https://arm.sputniknews.ru/20230119/zvoramasum-mahacats-tarvon-gharibjani-qujry-gnacel-er-dprvoc-chimanalvov-teghi-unecatsi-masin-54055566.html

Զորամասում մահացած Տարոն Ղարիբյանի քույրը գնացել էր դպրոց` չիմանալով տեղի ունեցածի մասին

Զորամասում մահացած Տարոն Ղարիբյանի քույրը գնացել էր դպրոց` չիմանալով տեղի ունեցածի մասին

Sputnik Արմենիա

Տարոն Ղարիբյանը երկու մեծ եղբայր ուներ և մեկ դպրոցական քույր։ 19.01.2023, Sputnik Արմենիա

2023-01-19T18:24+0400

2023-01-19T18:24+0400

2023-01-19T18:25+0400

հրդեհ

զինվոր

զոհ

գեղարքունիքի մարզ

ուրցաձոր

https://cdn.am.sputniknews.ru/img/07e7/01/13/54036375_0:0:1601:901_1920x0_80_0_0_98e90c5242385c05743719b3ad3f2d35.jpg

ԵՐԵՎԱՆ, 19 հունվարի – Sputnik. Չափազանց համեստ, լուռ, հարմարվող ու համբերատար. Sputnik Արմենիայի հետ զրույցում այսպես նկարագրեց այսօր Գեղարքունիքի մարզում` վաշտի կացարանում բռնկված հրդեհի հետևանքով զոհված ժամկետային զինծառայող Տարոն Ղարիբյանին նրա դասղեկ, Ուրցաձորի միջնակարգ դպրոցի տնօրեն Դիանա Գրիգորյանը։«Դեռ փոքր տարիքից մասնակցում էր գյուղատնտեսական աշխատանքներին։ Շատ նվիրված էր ընտանիքին, միշտ օգնում էր ծնողներին, ընտանիքի կողքին էր»,– պատմում է Դիանա Գրիգորյանը։Տարոն Ղարիբյանը երկու մեծ եղբայր ուներ և մեկ դպրոցական քույր։«Քույրը առավոտյան դպրոցում էր, շատ ուրախ էր, նույնիսկ դաընկերները գիտեին դեպքի մասին, բայց փորձում էին ամեն կերպ թաքցնել։ Մենք մի քանի ժամ, ամբողջ կոլեկտիվով ամեն ինչ արեցինք, որ նա դպրոցում գլխի չընկնի ինչ է եղել, մինչև հարազատները եկան՝ տուն տարան»,–պատմում է դպրոցի տնօրենը։Տարոնը 20 տարեկան էր։ Փետրվարին պետք է զորացրվեր։Հիշեցնենք, որ հունվարի 19-ին՝ ժամը 01:30-ի սահմաններում, դեռևս չպարզված հանգամանքներում հրդեհ է բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում։Հրդեհի հետևանքով կա 15 զոհ և 3 վիրավոր։ Մահացածները ժամկետային զինծառայողներ են։Դեպքի առնչությամբ արդեն պաշտոնանկություններ են եղել։

գեղարքունիքի մարզ

ուրցաձոր

2023

Լուրեր

am_HY

հրդեհ, զինվոր, զոհ, գեղարքունիքի մարզ, ուրցաձոր