Ջերմուկի մոտ` ՀՀ օկուպացված տարածքում, Բաքուն ճանապարհ է կառուցում. Թաթոյան
11:13 10.11.2022 (Թարմացված է: 11:36 10.11.2022)
© Sputnik / Aram Nersesyan
Բաժանորդագրվել
Ադրբեջանական զինված ուժերի նշանառության տակ են գտնվում «Տաթև» ՀԷԿ–ը, Ջերմուկի ՀԷԿ–ը, Կապանի պոչամբարը և այլ ռազմավարական նշանակության օբյեկտներ։
ԵՐԵՎԱՆ, 10 նոյեմբերի – Sputnik. Վայոց Ձորի Ջերմուկ քաղաքի անմիջական հարևանությամբ` ՀՀ օկուպացված տարածքում, Ադրբեջանն անօրինական շինարարության և ամրացման աշխատանքներ է իրականացնում, ասուլիսի ժամանակ հայտարարեց «Թաթոյան» հիմնադրամի ղեկավար, ՀՀ մարդու իրավունքների նախկին պաշտպան Արման Թաթոյանը։
Նա ընդգծեց, որ այդ աշխատանքները սկսվել են 2022 թվականի սեպտեմբերի 13-14-ին ՀՀ ինքնիշխանի տարածքի նկատմամբ ադրբեջանական ագրեսիայից հետո։
«Թաթոյան» հիմնադրամի ղեկավար Արման Թաթոյանը ասուլիսի ժամանակ (10 նոյեմբերի, 2022թ). Երևան
© Sputnik / Aram Nersesyan
Վայոց Ձորի և Սյունիքի մարզերում հիմնադրամի ուսումնասիրությունները ցույց են տալիս, որ ՀՀ–ն գտնվում է լրջագույն խնդրի առաջ, որը պայմանավորված է ադրբեջանական ներխուժումներով և ՀՀ գյուղերի հարևանությամբ ու ճանապարհներին նրանց ներկայությամբ։
«Ադրբեջանցիների գործողությունները վկայում են, որ չեն պատրաստվում հեռանալ ՀՀ–ից։ Ջերմուկի անմիջական հարևանությամբ՝ ՀՀ օկուպացված տարածքներում, Ադրբեջանն իրականացնում է անօրինական շինարարության և ամրացման աշխատանքներ` կառուցում են զինվորական ճանապարհներ, դիրքեր, բունկերներ և այլն։ Կառուցված ճանապարհը, ըստ մեր ուսումնասիրության, 10-12 մ լայնություն ունի»,– նշեց Թաթոյանը։
Նա ընդգծեց` Ջերմուկի մոտ օկուպացված տարածքներում կան նաև խոտհարքներ, արոտավայրեր, վարելահողեր։
Հիմնադրամի ղեկավարի պնդմամբ` ադրբեջանական վերջին ագրեսիայից հետո առաջացած խնդիրները վերաբերում են ոչ միայն մարդու իրավունքների պաշտպանությանը, այլև ազգային անվտանգությանը, քանի որ թիրախի տակ են ոչ միայն գյուղերը, այլև «Տաթև» ՀԷԿ–ը, Ջերմուկի ՀԷԿ–ը, Կապանի պոչամբարը և այլ ռազմավարական նշանակության օբյեկտներ։
1/3
© Sputnik / Aram Nersesyan
«Թաթոյան» հիմնադրամի ղեկավար Արման Թաթոյանը ասուլիսի ժամանակ (10 նոյեմբերի, 2022թ). Երևան
2/3
© Sputnik / Aram Nersesyan
«Թաթոյան» հիմնադրամի ղեկավար Արման Թաթոյանը ասուլիսի ժամանակ (10 նոյեմբերի, 2022թ). Երևան
3/3
© Sputnik / Aram Nersesyan
«Թաթոյան» հիմնադրամի ղեկավար Արման Թաթոյանը ասուլիսի ժամանակ (10 նոյեմբերի, 2022թ). Երևան
1/3
© Sputnik / Aram Nersesyan
«Թաթոյան» հիմնադրամի ղեկավար Արման Թաթոյանը ասուլիսի ժամանակ (10 նոյեմբերի, 2022թ). Երևան
2/3
© Sputnik / Aram Nersesyan
«Թաթոյան» հիմնադրամի ղեկավար Արման Թաթոյանը ասուլիսի ժամանակ (10 նոյեմբերի, 2022թ). Երևան
3/3
© Sputnik / Aram Nersesyan
«Թաթոյան» հիմնադրամի ղեկավար Արման Թաթոյանը ասուլիսի ժամանակ (10 նոյեմբերի, 2022թ). Երևան
Հիշեցնենք` Ադրբեջանի ԶՈւ ստորաբաժանումները սեպտեմբերի 13-ից Գորիսի, Սոթքի և Ջերմուկի ուղղությամբ ինտենսիվ կրակ էին վարում հրետանային միջոցներից, խոշոր տրամաչափի հրաձգային զինատեսակներից։ Հակառակորդը կիրառում էր նաև ԱԹՍ-ներ:
Սեպտեմբերի 14-ի ժամը 20։00-ից հայ-ադրբեջանական սահմանի երկայնքով հրադադարի ռեժիմ սահմանվեց, որը պարբերաբար խախտում է ադրբեջանական կողմը։
Քննչական կոմիտեն սեպտեմբերի 30-ին հայտնեց, որ ադրբեջանական ագրեսիայի հետևանքով հայկական կողմն ունի 201 զոհ՝ 197 զինծառայող և 4 քաղաքացիական անձ, վիրավորվել է 293 զինծառայող ու 6 քաղաքացիական անձ, գերեվարվել է 20 զինծառայող:
Հոկտեմբերի 4-ին Ադրբեջանը Հայաստանին վերադարձրեց 17 գերիների։
