https://arm.sputniknews.ru/20221027/pashtpan-hajrenjacy-araj-e-qashel-hajecakargajin-mvotecum-chunecvogh-ishkhanutjuny-jamaljan-50470501.html
«Պաշտպան հայրենյացը» առաջ է քաշել հայեցակարգային մոտեցում չունեցող իշխանությունը. Ջամալյան
«Պաշտպան հայրենյացը» առաջ է քաշել հայեցակարգային մոտեցում չունեցող իշխանությունը. Ջամալյան
Sputnik Արմենիա
Ռազմական վերլուծաբան Դավիթ Ջամալյանը Sputnik Արմենիայի եթերում անդրադարձել է ՀՀ պաշտպանության նախարարության կողմից առաջադրված «Պաշտպան հայրենյաց» նոր ծրագրին։ 27.10.2022, Sputnik Արմենիա
2022-10-27T21:01+0400
2022-10-27T21:01+0400
2022-10-27T21:18+0400
ռադիո
պոդկաստ
զինծառայող
բանակ
հայաստան
դավիթ ջամալյան
https://cdn.am.sputniknews.ru/img/07e6/0a/1b/50470813_0:0:1600:901_1920x0_80_0_0_f792de14c0f8939af225dda6a9379dbe.jpg
«Պաշտպան հայրենյաց» ծրագիրն առաջ է քաշել այդ ոլորտում հայեցակարգային մոտեցում չունեցող իշխանությունը
Sputnik Արմենիա
«Պաշտպան հայրենյաց» ծրագիրն առաջ է քաշել այդ ոլորտում հայեցակարգային մոտեցում չունեցող իշխանությունը
«Պաշտպան հայրենյաց» ծրագիրը կյանքի կոչելու գափարն ի սկզբանե հարցականի տակ է դրվում այն պարզ պատճառով, որ առաջ է քաշվել մի իշխանության կողմից, որը հայեցակարգային մոտեցում չունի հանրային կյանքի որևէ բնագավառի, այդ թվում՝ պաշտպանության և բանակաշինության ասպարեզի վերաբերյալ։ Sputnik Արմենիայի հետ զրույցում նման կարծիք հայտնեց ռազմական վերլուծաբան Դավիթ Ջամալյանը։ՀՀ պաշտպանության նախարար Սուրեն Պապիկյանը կառավարության հոկտեմբերի 27-ի նիստում հայտարարեց, որ 2023թ–ից ՀՀ Զինված ուժերում կներդրվի «Պաշտպան հայրենյաց» նոր ծրագիրը։ Այն նախատեսում է շարքային զինվորական ծառայության առաջին 6 ամիսը լրանալուց հետո պայմանագրային զինվորական ծառայության անցնելու հնարավորություն` ծառայության ժամկետը սահմանելով 5 տարի։ «Պաշտպան հայրենյաց». ժամկետային ծառայությունը բանակում կարող է փոխվել պայմանագրայինի«Մոտ մեկ ամիս առաջ իշխանությունը պատրաստում էր ճիշտ հակառակ տրամաբանությամբ մի օրենսդրական նախագիծ, որը տալու էր իքս գումարի դիմաց զինծառայությունից ազատվելու հնարավորություն։ Անցել է որոշ ժամանակ, և հիմա նույն իշխանությունը կրկին ներկայացրել է հակառակ տրամաբանությամբ օրենսդրական նախաձեռնություն։ Հաշվի առնելով չորս տարվա տառապալից փորձը` երաշխիք չկա, որ ևս մի քանի շաբաթ հետո իշխանությունը բոլորովին այլ տրամաբանությամբ նախագիծ չի ներկայացնի»,– նշեց ռազմական վերլուծաբանը։Իսկ ինչ վերաբերում է պայմանագրային զինծառայության սեգմենտը զարգացնելուն, Ջամալյանն ընդգծեց, որ ցանկացած հետաքրքիր նախաձեռնություն ի սկզբանե դրվատելի է, առավել ևս, որ հեռանկարը պրոֆեսիոնալ բանակ ստեղծելու և պայմանագրային հարաբերությունները զարգացնելու մեջ է, սակայն մեր զրուցակիցը միևնույն ժամանակ շեշտեց, որ նմանօրինակ նախաձեռնությունները կյանքի կոչելու համար անհրաժեշտ է երկրի ռեսուրսների ճշգրիտ կառավարմամբ հետպատերազմյան շրջանում բանակի մարտական հնարավարություններն արագ վերականգնելու գերակա խնդիր դնել, ինչը, ցավոք, գործող իշխանությունը չի անում և երբեմն էլ ուղղակի ինքն է տապալում իր իսկ նախաձեռնությունները։Ռազմական վերլուծաբանի պնդմամբ` վերջին տարիներին տեսանելի չեն այն իրական քայլերը, որոնք իսկապես միտված են բանակի մարտունակությունը վերականգնելուն։ Ըստ նրա` բոլոր օգտակար նախաձեռնությունները կարող են արդյունավետորեն իրականացվել միայն այն իշխանության օրոք, որի ընկալմամբ` զինված ուժերն իսկապես ունեն կարևոր դերակատարություն սուբյեկտայնություն ենթադրող Հայաստանում։Նշենք, որ ծրագրի համաձայն` ծառայությունն ավարտելուց կամ առողջության հիմքով դրանից վաղաժամկետ ազատվելու դեպքում զինծառայողները կստանան պատվովճար 5 մլն դրամի չափով։ Ցանկացողները նաև իրավունք կստանան ատեստավորում անցնելու` հավելավճարի բարձրացմամբ։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
պոդկաստ, զինծառայող, բանակ, հայաստան, դավիթ ջամալյան, аудио
պոդկաստ, զինծառայող, բանակ, հայաստան, դավիթ ջամալյան, аудио
«Պաշտպան հայրենյացը» առաջ է քաշել հայեցակարգային մոտեցում չունեցող իշխանությունը. Ջամալյան
21:01 27.10.2022 (Թարմացված է: 21:18 27.10.2022) Ռազմական վերլուծաբան Դավիթ Ջամալյանը Sputnik Արմենիայի եթերում անդրադարձել է ՀՀ պաշտպանության նախարարության կողմից առաջադրված «Պաշտպան հայրենյաց» նոր ծրագրին։
«Պաշտպան հայրենյաց» ծրագիրը կյանքի կոչելու գափարն ի սկզբանե հարցականի տակ է դրվում այն պարզ պատճառով, որ առաջ է քաշվել մի իշխանության կողմից, որը հայեցակարգային մոտեցում չունի հանրային կյանքի որևէ բնագավառի, այդ թվում՝ պաշտպանության և բանակաշինության ասպարեզի վերաբերյալ։
Sputnik Արմենիայի հետ զրույցում նման կարծիք հայտնեց ռազմական վերլուծաբան Դավիթ Ջամալյանը։
ՀՀ պաշտպանության նախարար Սուրեն Պապիկյանը կառավարության հոկտեմբերի 27-ի նիստում հայտարարեց, որ 2023թ–ից ՀՀ Զինված ուժերում կներդրվի «Պաշտպան հայրենյաց» նոր ծրագիրը։ Այն նախատեսում է շարքային զինվորական ծառայության առաջին 6 ամիսը լրանալուց հետո պայմանագրային զինվորական ծառայության անցնելու հնարավորություն` ծառայության ժամկետը սահմանելով 5 տարի։
«Մոտ մեկ ամիս առաջ իշխանությունը պատրաստում էր ճիշտ հակառակ տրամաբանությամբ մի օրենսդրական նախագիծ, որը տալու էր իքս գումարի դիմաց զինծառայությունից ազատվելու հնարավորություն։ Անցել է որոշ ժամանակ, և հիմա նույն իշխանությունը կրկին ներկայացրել է հակառակ տրամաբանությամբ օրենսդրական նախաձեռնություն։ Հաշվի առնելով չորս տարվա տառապալից փորձը` երաշխիք չկա, որ ևս մի քանի շաբաթ հետո իշխանությունը բոլորովին այլ տրամաբանությամբ նախագիծ չի ներկայացնի»,– նշեց ռազմական վերլուծաբանը։
Իսկ ինչ վերաբերում է պայմանագրային զինծառայության սեգմենտը զարգացնելուն, Ջամալյանն ընդգծեց, որ ցանկացած հետաքրքիր նախաձեռնություն ի սկզբանե դրվատելի է, առավել ևս, որ հեռանկարը պրոֆեսիոնալ բանակ ստեղծելու և պայմանագրային հարաբերությունները զարգացնելու մեջ է, սակայն մեր զրուցակիցը միևնույն ժամանակ շեշտեց, որ նմանօրինակ նախաձեռնությունները կյանքի կոչելու համար անհրաժեշտ է երկրի ռեսուրսների ճշգրիտ կառավարմամբ հետպատերազմյան շրջանում բանակի մարտական հնարավարություններն արագ վերականգնելու գերակա խնդիր դնել, ինչը, ցավոք, գործող իշխանությունը չի անում և երբեմն էլ ուղղակի ինքն է տապալում իր իսկ նախաձեռնությունները։
«Ասում են, որ հանրության աչքին թո՞զ փչեն, թե իբր զբաղված են բանակի մարտունակությունը վերականգնելով, թե՞ իսկապես շահագրգռված են զինված ուժերի զարգացմամբ։ Վերջին տարիների գործունեությունը հուշում է, որ ամեն ինչ արել են բանակի մարտունակությունը խաթարելու համար։ Կլինե՞ն արդյոք հետևողական, որպեսզի այս գաղափարը կենսագործունեության փուլին հասցնեն, խիստ կասկածելի է»,– ասաց Ջամալյանը։
Ռազմական վերլուծաբանի պնդմամբ` վերջին տարիներին տեսանելի չեն այն իրական քայլերը, որոնք իսկապես միտված են բանակի մարտունակությունը վերականգնելուն։ Ըստ նրա` բոլոր օգտակար նախաձեռնությունները կարող են արդյունավետորեն իրականացվել միայն այն իշխանության օրոք, որի ընկալմամբ` զինված ուժերն իսկապես ունեն կարևոր դերակատարություն սուբյեկտայնություն ենթադրող Հայաստանում։
Նշենք, որ ծրագրի համաձայն` ծառայությունն ավարտելուց կամ առողջության հիմքով դրանից վաղաժամկետ ազատվելու դեպքում զինծառայողները կստանան պատվովճար 5 մլն դրամի չափով։ Ցանկացողները նաև իրավունք կստանան ատեստավորում անցնելու` հավելավճարի բարձրացմամբ։
