https://arm.sputniknews.ru/20220813/gegharquniqum-mak-y-kajakci-vorvogman-hamakargeri-ardiakanacmany-46632346.html
Գեղարքունիքում ՄԱԿ-ը կաջակցի ոռոգման համակարգերի արդիականացմանը
Գեղարքունիքում ՄԱԿ-ը կաջակցի ոռոգման համակարգերի արդիականացմանը
Sputnik Արմենիա
Գեղարքունիքում առաջնահերթ է ոռոգման համակարգերի արդիականացման խնդիրը։ Ծրագիրը ֆինանսավորվում է Ճապոնիայի կառավարության կողմից։ 13.08.2022, Sputnik Արմենիա
2022-08-13T14:39+0400
2022-08-13T14:39+0400
2022-08-13T14:45+0400
գեղարքունիքի մարզ
ոռոգման ջուր
միավորված ազգերի կազմակերպություն (մակ)
կարեն սարգսյան
մարզպետ
https://cdn.am.sputniknews.ru/img/07e6/08/0d/46628791_0:120:2048:1273_1920x0_80_0_0_eafb360a8fce64dc7ad26f17c740ad4f.jpg
ԵՐԵՎԱՆ, 13 օգոստոսի – Sputnik․ Առաջիկայում Գեղարքունիքի մարզում ՄԱԿ-ի «Աղետների ռիսկի նվազեցման ծրագրերի» շրջանակներում ոռոգման համակարգերի արդիականացման համար շինարարական աշխատանքներ կընթանան։ Տեղեկությունը «Ֆեյսբուքի» իր էջում հայտնել է Գեղարքունիքի մարզպետ Կարեն Սարգսյանը։Մարզպետն այսօր ընդունել է ՄԱԿ–ի «Աղետների ռիսկի նվազեցման ծրագրերի» համակարգող Արմեն Չիլինգարյանին։Ծրագիրը հիմնականում ֆինանսավորվում է Ճապոնիայի կառավարության կողմից։ Այն իրականացվում է երեք հիմնական ուղղություններում՝ օդերևութաբանական կայանների հիմնում, ջրային ավազանների քարտեզագրում և բարելավում, ոռոգման համակարգերի արդիականացում։Մարզպետը շեշտել է, որ թեև ծրագրի բոլոր ուղղությունները չափազանց կարևոր են մարզի գյուղատնտեսության և շրջակա միջավայրի պահպանության, աղետների ռիսկերը կառավարելու տեսանկյունից, սակայն առաջնահերթ է համարում ոռոգման համակարգերի արդիականացման ուղղությունը, որտեղ ավելի հրատապ խնդիրների կարգավորման անհրաժեշտություն կա։Նաև որպես ծրագրի բաղադրիչ մաս ներկայացվել է պոմպակայանների արդիականացումը՝ դրանք արևային ֆոտովոլտային կայաններով վերազինելու և գործարկելու հեռանկարով։Շեշտվել է, որ տարվա մեջ ոռոգման շրջանը տևում է մոտ երկուսուկես ամիս, մնացած ամիսներին արևային ֆոտովոլտային կայաններում արտադրված էներգիան կարող է տնտեսվել և օգտագործվել ոռոգման համակարգերի արդիականացման ծրագրերի ուղղությամբ:Որոշել էինք բերքը ծախել, ոչ թե չորացնել. Ակնալճում ոռոգման ջրի լուրջ խնդիր կա
գեղարքունիքի մարզ
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
գեղարքունիքի մարզ, ոռոգման ջուր, միավորված ազգերի կազմակերպություն (մակ), կարեն սարգսյան, մարզպետ
գեղարքունիքի մարզ, ոռոգման ջուր, միավորված ազգերի կազմակերպություն (մակ), կարեն սարգսյան, մարզպետ
Գեղարքունիքում ՄԱԿ-ը կաջակցի ոռոգման համակարգերի արդիականացմանը
14:39 13.08.2022 (Թարմացված է: 14:45 13.08.2022) Գեղարքունիքում առաջնահերթ է ոռոգման համակարգերի արդիականացման խնդիրը։ Ծրագիրը ֆինանսավորվում է Ճապոնիայի կառավարության կողմից։
ԵՐԵՎԱՆ, 13 օգոստոսի – Sputnik․ Առաջիկայում Գեղարքունիքի մարզում ՄԱԿ-ի «Աղետների ռիսկի նվազեցման ծրագրերի» շրջանակներում ոռոգման համակարգերի արդիականացման համար շինարարական աշխատանքներ կընթանան։ Տեղեկությունը
«Ֆեյսբուքի» իր էջում հայտնել է Գեղարքունիքի մարզպետ Կարեն Սարգսյանը։
Մարզպետն այսօր ընդունել է ՄԱԿ–ի «Աղետների ռիսկի նվազեցման ծրագրերի» համակարգող Արմեն Չիլինգարյանին։
Պայմանավորվածություն է ձեռք բերվել, որ առաջիկա շաբաթվա ընթացքում Մարտունու համայնքապետարանի և «Գեղարքունիք» ջրօգտագործողների ընկերության կողմից տրամադրված տվյալների հիման վրա ՄԱԿ-ի «Աղետների ռիսկի նվազեցման ծրագրերի» գրասենյակի ներկայացուցիչները մասնագիտական ուսումնասիրություններ կկատարեն ոռոգման համակարգերի արդիականացման ուղղությամբ, այնուհետ, համապատասխան ընթացակարգերից հետո, կարող են մեկնարկել շինարարական աշխատանքները:
Ծրագիրը հիմնականում ֆինանսավորվում է Ճապոնիայի կառավարության կողմից։ Այն իրականացվում է երեք հիմնական ուղղություններում՝ օդերևութաբանական կայանների հիմնում, ջրային ավազանների քարտեզագրում և բարելավում, ոռոգման համակարգերի արդիականացում։
Մարզպետը շեշտել է, որ թեև ծրագրի բոլոր ուղղությունները չափազանց կարևոր են մարզի գյուղատնտեսության և շրջակա միջավայրի պահպանության, աղետների ռիսկերը կառավարելու տեսանկյունից, սակայն առաջնահերթ է համարում ոռոգման համակարգերի արդիականացման ուղղությունը, որտեղ ավելի հրատապ խնդիրների կարգավորման անհրաժեշտություն կա։
Նաև որպես ծրագրի բաղադրիչ մաս ներկայացվել է պոմպակայանների արդիականացումը՝ դրանք արևային ֆոտովոլտային կայաններով վերազինելու և գործարկելու հեռանկարով։
Շեշտվել է, որ տարվա մեջ ոռոգման շրջանը տևում է մոտ երկուսուկես ամիս, մնացած ամիսներին արևային ֆոտովոլտային կայաններում արտադրված էներգիան կարող է տնտեսվել և օգտագործվել ոռոգման համակարգերի արդիականացման ծրագրերի ուղղությամբ:
