https://arm.sputniknews.ru/20220714/mez-ajzhm-gvohacnum-en-arajarknery-firduscinery-handipel-en-qaghaqapetarani-ashkhatakcin-45220575.html
Մեզ այժմ գոհացնում են առաջարկները. ֆիրդուսցիները հանդիպել են քաղաքապետարանի աշխատակցին
Մեզ այժմ գոհացնում են առաջարկները. ֆիրդուսցիները հանդիպել են քաղաքապետարանի աշխատակցին
Sputnik Արմենիա
Քաղաքացիներն ավելի վաղ հավաքվել էին կառավարության շենքի մոտ, այնուհետև գնացել էին «Երևանի կառուցապատման ներդրումային ծրագրերի իրականացման գրասենյակ» ՀՈԱԿ-ի... 14.07.2022, Sputnik Արմենիա
2022-07-14T16:09+0400
2022-07-14T16:09+0400
2022-07-14T16:47+0400
երևան
ֆիրդուսի
փողոց
բնակիչ
բողոքի ակցիա
երևանի քաղաքապետարան
https://cdn.am.sputniknews.ru/img/07e6/07/0e/45192779_0:0:1600:901_1920x0_80_0_0_1334cbea52a0cb69abd983d70a0c1eb6.jpg
ԵՐԵՎԱՆ, 14 հուլիսի – Sputnik. Երևանի Ֆիրդուսի փողոցի բնակիչները, որոնց տներն օտարվել են նոր թաղամասի կառուցման համար, հանդիպել են «Երևանի կառուցապատման ներդրումային ծրագրերի իրականացման գրասենյակ» ՀՈԱԿ-ի պետի տեղակալի հետ։ Sputnik Արմենիայի հետ զրույցում Ֆիրդուսիի բնակիչ Վազգեն Փխրիկյանը նշեց, որ իրենց դեռևս բավարարում են այն պատասխանները, որ ստացել են, եթե դրանք իրականությանը համապատասխանեն։Ֆիրդուսցիները ևս մեկ հարց են բարձրացրել. Երևանը գոտիավորված է, և այդ թաղամասը գտնվում է առաջին գոտում, սակայն այժմ այն փոխվել է ու հայտնվել երկրորդում։ Քաղաքացին շեշտեց, որ առհասարակ երկրորդ գոտի համարվում է Արաբկիր վարչական շրջանը, բայց Կենտրոնի այդ հատվածն էլ է մտցվել 2-րդ գոտի։ Այս պարագայում էլ տների գներն իջնում են, սակայն քաղաքապետարանից խոստացել են, որ այդ հարցը նույնպես լուծում կստանա։«Մեզ ասացին, որ գոտիավորման հարցն ԱԺ-ով հաստատված որոշում է, այն չեն կարող փոխել, սակայն քննարկումներից հետո փոխհատուցման ժամանակ Ֆիրդուսի թաղամասը հաշվի կառնեն որպես առաջին գոտի։ Խանամիր Աբարահամյանը խոստացավ, որ կառավարությունում կներկայացնի մեր պահանջները, ինչպես նաև պատրաստ է բոլոր բնակիչներին կանչել ու ներդրողների հետ բանակցություններ վարել։ Խոստացել են նաև, որ կառավարության ներկայացուցիչը կգա Ֆիրդուսի ու տեղում կծանոթանա իրավիճակին»,- ասաց բնակիչը։Հստակ ժամկետներ դեռևս չեն ասել, մյուս շաբաթ կրկին պատրաստվում են գնալ քաղաքապետարան, որպեսզի հասկանան հետագա քայլերը։Հիշեցնենք, որ ֆիրդուսցիներն այսօր` հուլիսի 14-ին, բողոքի ակցիա անցկացրին կառավարության շենքի դիմաց։ Նրանք պահանջում են լուծել իրենց բնակարանային խնդիրը և արժանապատիվ փոխհատուցում տրամադրել։Ներկայում կառուցապատողը դատի է տվել բնակիչներին, որոնք չեն համաձայնվում պայմանների հետ և չեն ցանկանում լքել իրենց տները։ Բանն այն է, որ 2006 թվականին Հայաստանի խորհրդարանն ընդունել է «Հանրային և պետական կարիքների համար սեփականության օտարման մասին» օրենքը: Դրանից հետո կառավարությունը որոշում է ընդունել գերակա հանրային շահ ճանաչել Երևան քաղաքի կենտրոնում գտնվող տարածքները, որոնց թվում է նաև Ֆիրդուսի փողոցը։«Լավագույն մասնագետները տվել են իրենց համաձայնությունը». սկսվել է Ֆիրդուսի վերակառուցումը
երևան
ֆիրդուսի
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
երևան, ֆիրդուսի, փողոց, բնակիչ, բողոքի ակցիա, երևանի քաղաքապետարան
երևան, ֆիրդուսի, փողոց, բնակիչ, բողոքի ակցիա, երևանի քաղաքապետարան
Մեզ այժմ գոհացնում են առաջարկները. ֆիրդուսցիները հանդիպել են քաղաքապետարանի աշխատակցին
16:09 14.07.2022 (Թարմացված է: 16:47 14.07.2022) Քաղաքացիներն ավելի վաղ հավաքվել էին կառավարության շենքի մոտ, այնուհետև գնացել էին «Երևանի կառուցապատման ներդրումային ծրագրերի իրականացման գրասենյակ» ՀՈԱԿ-ի պետի տեղակալի հետ հանդիպման։
ԵՐԵՎԱՆ, 14 հուլիսի – Sputnik. Երևանի Ֆիրդուսի փողոցի բնակիչները, որոնց տներն օտարվել են նոր թաղամասի կառուցման համար, հանդիպել են «Երևանի կառուցապատման ներդրումային ծրագրերի իրականացման գրասենյակ» ՀՈԱԿ-ի պետի տեղակալի հետ։
Sputnik Արմենիայի հետ զրույցում Ֆիրդուսիի բնակիչ Վազգեն Փխրիկյանը նշեց, որ իրենց դեռևս բավարարում են այն պատասխանները, որ ստացել են, եթե դրանք իրականությանը համապատասխանեն։
«Խոսել ենք գնահատումների մասին, որ մեր տները սխալ են գնահատում, մեզ էլ խոսք տվեցին, որ գնահատումները կվերանայեն։ Նախկինում որպես սեփականություն էր գնահատվում, այժմ նշվելու է, որ գույքը գտնվում է կառուցապատման տարածքում։ Արդեն մեր տների գները մոտ 30 %-ով կբարձրանան։ Մեր թաղամասում կան նաև հատվածներ, որտեղ մի քանի ընտանիք ընդհանուր բակ ունեն, այդ հարցն էլ խոստացան, որ կլուծեն»,- նշեց Փխրիկյանը։
Ֆիրդուսցիները ևս մեկ հարց են բարձրացրել. Երևանը գոտիավորված է, և այդ թաղամասը գտնվում է առաջին գոտում, սակայն այժմ այն փոխվել է ու հայտնվել երկրորդում։ Քաղաքացին շեշտեց, որ առհասարակ երկրորդ գոտի համարվում է Արաբկիր վարչական շրջանը, բայց Կենտրոնի այդ հատվածն էլ է մտցվել 2-րդ գոտի։ Այս պարագայում էլ տների գներն իջնում են, սակայն քաղաքապետարանից խոստացել են, որ այդ հարցը նույնպես լուծում կստանա։
«Մեզ ասացին, որ գոտիավորման հարցն ԱԺ-ով հաստատված որոշում է, այն չեն կարող փոխել, սակայն քննարկումներից հետո փոխհատուցման ժամանակ Ֆիրդուսի թաղամասը հաշվի կառնեն որպես առաջին գոտի։ Խանամիր Աբարահամյանը խոստացավ, որ կառավարությունում կներկայացնի մեր պահանջները, ինչպես նաև պատրաստ է բոլոր բնակիչներին կանչել ու ներդրողների հետ բանակցություններ վարել։ Խոստացել են նաև, որ կառավարության ներկայացուցիչը կգա Ֆիրդուսի ու տեղում կծանոթանա իրավիճակին»,- ասաց բնակիչը։
Հստակ ժամկետներ դեռևս չեն ասել, մյուս շաբաթ կրկին պատրաստվում են գնալ քաղաքապետարան, որպեսզի հասկանան հետագա քայլերը։
Հիշեցնենք, որ ֆիրդուսցիներն այսօր` հուլիսի 14-ին, բողոքի ակցիա անցկացրին կառավարության շենքի դիմաց։ Նրանք պահանջում են լուծել իրենց բնակարանային խնդիրը և արժանապատիվ փոխհատուցում տրամադրել։
Ներկայում կառուցապատողը դատի է տվել բնակիչներին, որոնք չեն համաձայնվում պայմանների հետ և չեն ցանկանում լքել իրենց տները։ Բանն այն է, որ 2006 թվականին Հայաստանի խորհրդարանն ընդունել է «Հանրային և պետական կարիքների համար սեփականության օտարման մասին» օրենքը: Դրանից հետո կառավարությունը որոշում է ընդունել գերակա հանրային շահ ճանաչել Երևան քաղաքի կենտրոնում գտնվող տարածքները, որոնց թվում է նաև Ֆիրդուսի փողոցը։
