https://arm.sputniknews.ru/20220705/chegharkumner-eghel-en-zbvosashrjiknern-anhangstacats-en-egiptvosum-shnadzkneri-hardzakumneric-44741034.html
Չեղարկումներ եղել են. զբոսաշրջիկներն անհանգստացած են Եգիպտոսում շնաձկների հարձակումներից
Չեղարկումներ եղել են. զբոսաշրջիկներն անհանգստացած են Եգիպտոսում շնաձկների հարձակումներից
Sputnik Արմենիա
Տուրիստական գործակալություններն անհանգստացած զբոսաշրջիկներին ներկայացնում են իրավիճակն ու փորձում հանգստացնել նրանց։ 05.07.2022, Sputnik Արմենիա
2022-07-05T16:07+0400
2022-07-05T16:07+0400
2022-07-05T16:07+0400
եգիպտոս
շնաձուկ
հուրգադա
զբոսաշրջիկ
հայաստան
https://cdn.am.sputniknews.ru/img/1977/61/19776135_0:0:1600:901_1920x0_80_0_0_7ce8036039a37bbe5fab5988f7d4e81d.jpg
ԵՐԵՎԱՆ, 5 հուլիսի – Sputnik. Եգիպտոսի Հուրգադա հանգստավայրի ափերի մոտ շնաձկան հարձակման հետ կապված`հայ զբոսաշրջիկների շրջանում որոշակի անհանգստություն կա։ Sputnik Արմենիան զրուցել է տուրիստական գործակալությունների ներկայացուցիչների հետ` պարզելու համար` արդյոք դեպի Եգիպտոս չվերթերի հետ կապված չեղարկումներ եղել են, թե ոչ։Զբոսաշրջության փորձագետ, «Visit Արմենիա» զբոսաշրջային ընկերության տնօրեն Վլադիմիր Գևորգյանը նշեց, որ իրենց գործակալություն դիմած 2 ընտանիք չեղարկել է առաջիկայում սպասվող տուրերը։Նա ընդգծեց` իրենք խորհուրդ են տալիս ուղղակի շատ խորը չլողալ և լինել այն հատվածներում, որտեղ ավելի անվտանգ է և հսկվում է։Խոսելով փոխհատուցման մասին` զբոսաշրջային ընկերության տնօրենը շեշտեց, որ իրենք 100 տոկոսով գումարը հետ են վերադարձնում, եթե տուրփաթեթը չեղարկման քաղաքականության շրջանակներում է։ Լինում են նաև դեպքեր, երբ չեղարկման դեպքում տուգանքներ են սահմանված, այս պարագայում ընկերությունը Եգիպտոսի իր գործընկերների հետ հարցի լուծում է գտնում և առաջարկում հաճախորդին։Վլադիվոստոկի ափերի մոտ 3–մետրանոց շնաձուկ է հայտնաբերվել. տեսանյութ«Անռիվա-տուր» զբոսաշրջային ընկերության տնօրեն Լիլիթ Մուրադյանն էլ ընդգծեց, որ այն անձինք, որոնք մահացել են շնաձկան հարձակման հետևանքով, չեն պահպանել անվտանգության նորմերը, լողացել են չնախատեսված հատվածներում։Նա ասաց, որ իրենք այս պահին էլ զբոսաշրջիկներ ունեն, որոնք Եգիպտոսում են` Հուրգադայում, չվերթերն էլ կանոնավոր իրականանում են։Հիշեցնենք, որ առաջին դեպքը եղել է հուլիսի 1-ին`շնաձուկը կծել էր ավստրիացի կնոջ ձեռքն ու ոտքը, նրան հոսպիտալացրել էին, սակայն կյանքը փրկել չէր հաջողվել։ Մեկ այլ դեպք էլ եղել է հուլիսի 3-ին` այս անգամ շնաձուկը հարձակվել է ռումինացի մի կնոջ վրա, որը նույնպես մահացել է։
եգիպտոս
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
եգիպտոս, շնաձուկ, հուրգադա, զբոսաշրջիկ, հայաստան
եգիպտոս, շնաձուկ, հուրգադա, զբոսաշրջիկ, հայաստան
Չեղարկումներ եղել են. զբոսաշրջիկներն անհանգստացած են Եգիպտոսում շնաձկների հարձակումներից
Տուրիստական գործակալություններն անհանգստացած զբոսաշրջիկներին ներկայացնում են իրավիճակն ու փորձում հանգստացնել նրանց։
ԵՐԵՎԱՆ, 5 հուլիսի – Sputnik. Եգիպտոսի Հուրգադա հանգստավայրի ափերի մոտ շնաձկան հարձակման հետ կապված`հայ զբոսաշրջիկների շրջանում որոշակի անհանգստություն կա։ Sputnik Արմենիան զրուցել է տուրիստական գործակալությունների ներկայացուցիչների հետ` պարզելու համար` արդյոք դեպի Եգիպտոս չվերթերի հետ կապված չեղարկումներ եղել են, թե ոչ։
Զբոսաշրջության փորձագետ, «Visit Արմենիա» զբոսաշրջային ընկերության տնօրեն Վլադիմիր Գևորգյանը նշեց, որ իրենց գործակալություն դիմած 2 ընտանիք չեղարկել է առաջիկայում սպասվող տուրերը։
«Նրանք երեկ չեղարկել են դեպի Հուրգադա իրենց չվերթերը` պատճառաբանելով, որ տագնապած են շնաձկների հարձակումների հետ կապված։ Զանգեր էլ են շատ լինում և նշում են, որ իրենք էլ են վախեցած, պարզում են մեզնից, թե որ լողափում են եղել դեպքերը, արդյոք մոտ է իրենց ընտրած հյուրանոցին, թե ոչ։ Մենք էլ փորձում ենք բացատրել և ներկայացնել իրավիճակն ինչպես կա»,– նշեց Գևորգյանը։
Նա ընդգծեց` իրենք խորհուրդ են տալիս ուղղակի շատ խորը չլողալ և լինել այն հատվածներում, որտեղ ավելի անվտանգ է և հսկվում է։
Խոսելով փոխհատուցման մասին` զբոսաշրջային ընկերության տնօրենը շեշտեց, որ իրենք 100 տոկոսով գումարը հետ են վերադարձնում, եթե տուրփաթեթը չեղարկման քաղաքականության շրջանակներում է։ Լինում են նաև դեպքեր, երբ չեղարկման դեպքում տուգանքներ են սահմանված, այս պարագայում ընկերությունը Եգիպտոսի իր գործընկերների հետ հարցի լուծում է գտնում և առաջարկում հաճախորդին։
«Անռիվա-տուր» զբոսաշրջային ընկերության տնօրեն Լիլիթ Մուրադյանն էլ ընդգծեց, որ այն անձինք, որոնք մահացել են շնաձկան հարձակման հետևանքով, չեն պահպանել անվտանգության նորմերը, լողացել են չնախատեսված հատվածներում։
«Մեզ մոտ տուրիստական փաթեթների չեղարկումներ չեն եղել, սակայն դեպքերի առնչությամբ անհանգստություններ կան։ Մենք մեր հաճախորդներին ներկայացնում ենք ընդհանուր իրավիճակը, հայտնում ենք, որ այդ լողափը (Սահլ Հաշիշը), որտեղ դեպքերը տեղի են ունեցել, այս պահին փակ է, մինչև կպարզվեն բոլոր հանգամանքները»,– նշեց Մուրադյանը։
Նա ասաց, որ իրենք այս պահին էլ զբոսաշրջիկներ ունեն, որոնք Եգիպտոսում են` Հուրգադայում, չվերթերն էլ կանոնավոր իրականանում են։
Հիշեցնենք, որ առաջին դեպքը եղել է հուլիսի 1-ին`
շնաձուկը կծել էր ավստրիացի կնոջ ձեռքն ու ոտքը, նրան հոսպիտալացրել էին, սակայն կյանքը փրկել չէր հաջողվել։ Մեկ այլ դեպք էլ եղել է հուլիսի 3-ին` այս անգամ շնաձուկը հարձակվել է ռումինացի մի կնոջ վրա, որը նույնպես մահացել է։
