https://arm.sputniknews.ru/20220618/adrbejancinery-hajkakan-fejqervov-hakarusakan-tramadrutjunner-en-taratsum-43775785.html
Ադրբեջանցիները հայկական ֆեյքերով հակառուսական տրամադրություններ են տարածում
Ադրբեջանցիները հայկական ֆեյքերով հակառուսական տրամադրություններ են տարածում
Sputnik Արմենիա
Ռազմական փորձագետ Կարեն Վրթանեսյանը Sputnik Արմենիայի եթերում պատմել է սոցցանցերի հայկական տիրույթում տարածված ադրբեջանական կեղծ օգտահաշիվների մասին։ 18.06.2022, Sputnik Արմենիա
2022-06-18T19:30+0400
2022-06-18T19:30+0400
2022-06-18T19:57+0400
ռադիո
պոդկաստ
ֆեյք
ադրբեջան
ադրբեջանցի
ադրբեջանական ագրեսիան արցախում - 2020
ռուսաստան
https://cdn.am.sputniknews.ru/img/07e6/06/12/43775031_0:0:1200:676_1920x0_80_0_0_94cba9aaebb3159ae17a3caeb8b540b5.jpg
Ադրբեջանցիները հայկական ֆեյքերով հակառուսական տրամադրություններ են տարածում հայերի մեջ
Sputnik Արմենիա
Ադրբեջանցիները հայկական ֆեյքերով հակառուսական տրամադրություններ են տարածում հայերի մեջ
Սոցցանցերում ադրբեջանցիների կեղծ օգտահաշիվները, որոնք բացվում են հայկական անուններով, առաջին հայացքից տարբերակելի չեն, ու շատ հայեր առանց քննելու ընկերանում են դրանց հետ։ Sputnik Արմենիայի եթերում այս մասին ասել է ռազմական փորձագետ Կարեն Վրթանեսյանը։Նորմալ հայերեն գրելով` ադրբեջանցիները կարողանում են իրենց ընկերների ցանկում հավաքել իրական հայկական օգտատերերի, որոնք չեն էլ կասկածում, որ ընկերանում են ադրբեջանցու օգտահաշվի հետ։ Իհարկե, ադրբեջանցիները, փորձագետի խոսքով, երբեմն կարող են ինչ-ինչ սխալներ անել, որոնցից նկատելի կդառնա նրանց` ադրբեջանական կեղծ հաշիվ լինելը, սակայն ընդհանուր առմամբ, միևնույն է, դժվար են տարբերակվում։Եթե ադրբեջանցիների հիմնական նպատակը մշտապես հակահայկական քարոզչություն տարածելն էր, ապա, Վրթանեսյանի տվյալներով, այս պահին նրանք զբաղված են Հայաստանում հակառուսական տրամադրությունների տարածմամբ։Ընդ որում` մի կողմից փորձում են հայերի անունից, իբր, ինչ-որ բաներ անել, մյուս կողմից՝ ներկայանում են որպես ռուս, ու հակահայկական բաներ են գրում»,- մանրամասնեց Վրթանեսյանը։Կիև ու Թբիլիսի է գնացել, գաղտնալսվող հեռախոս բերել. արցախցի պաշտոնյայի դավաճանությունըԱյս օգտահաշիվների դեմ պայքարելու միակ ձևը, Վրթանեսյանի կարծիքով, պիտի լինի պետական մոտեցմամբ, այդ թվում՝ մարդկանց բացատրելով ու մեդիագրագիտություն սովորեցնելով, որպեսզի ադրբեջանցիների օգտահաշիվների հետ չընկերանան։Նրա խոսքով՝ այս խնդրի մասին, օրինակ, «Ֆեյսբուքին» (որտեղ համեմատաբար ավելի շատ օգտահաշիվներ կան) բողոքարկելը նույնպես հարցի լուծում չէ։ Այդ գործին, նրա կարծիքով, պետությունը պիտի լծվի, սակայն Վրթանեսյանի բնորոշմամբ՝ տվյալ դեպքում Հայաստանի իշխանություններն ընդհանրապես այդ հարցերով զբաղված չեն։«Այն, ինչ չի վերաբերվում իրենց անձնական իշխանությունը պահելուն, մնացած բոլոր հարցերով իրենք ընդհանրապես չեն զբաղվում»,- նշեց Վրթանեսյանը։Նշենք, որ ավելի վաղ Արցախի Հանրապետության ազգային անվտանգության ծառայությունը հայտնել էր, որ ադրբեջանական հատուկ ծառայությունները «Ֆեյսբուք» սոցիալական ցանցի արցախյան տիրույթում շարունակում են հայկական օգտահաշիվներով կեղծ լուրեր տարածել և փորձել վախի մթնոլորտ ստեղծել։ ԱՀ ԱԱԾ-ն կոչ է անում չտրվել կեղծ լուրերին, զերծ մնալ կասկածելի լուրեր տարածելուց, դրանք սոցիալական ցանցերում քննարկելուց և հետևել միայն պաշտոնական լրահոսին։
ադրբեջան
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
պոդկաստ, ֆեյք, ադրբեջան, ադրբեջանցի, ադրբեջանական ագրեսիան արցախում - 2020, ռուսաստան, аудио
պոդկաստ, ֆեյք, ադրբեջան, ադրբեջանցի, ադրբեջանական ագրեսիան արցախում - 2020, ռուսաստան, аудио
Ադրբեջանցիները հայկական ֆեյքերով հակառուսական տրամադրություններ են տարածում
19:30 18.06.2022 (Թարմացված է: 19:57 18.06.2022) Ռազմական փորձագետ Կարեն Վրթանեսյանը Sputnik Արմենիայի եթերում պատմել է սոցցանցերի հայկական տիրույթում տարածված ադրբեջանական կեղծ օգտահաշիվների մասին։
Սոցցանցերում ադրբեջանցիների կեղծ օգտահաշիվները, որոնք բացվում են հայկական անուններով, առաջին հայացքից տարբերակելի չեն, ու շատ հայեր առանց քննելու ընկերանում են դրանց հետ։
Sputnik Արմենիայի եթերում այս մասին ասել է ռազմական փորձագետ Կարեն Վրթանեսյանը։
«Բավական դժվար է նրանց առաջին հայացքից տարբերակելը` եթե մասնագետ չեք, վաղուց չեք հետևել նրանց։ Իրենք հայերեն էլ են գրում ու բավականին լավ»,- ասաց Վրթանեսյանը։
Նորմալ հայերեն գրելով` ադրբեջանցիները կարողանում են իրենց ընկերների ցանկում հավաքել իրական հայկական օգտատերերի, որոնք չեն էլ կասկածում, որ ընկերանում են ադրբեջանցու օգտահաշվի հետ։ Իհարկե, ադրբեջանցիները, փորձագետի խոսքով, երբեմն կարող են ինչ-ինչ սխալներ անել, որոնցից նկատելի կդառնա նրանց` ադրբեջանական կեղծ հաշիվ լինելը, սակայն ընդհանուր առմամբ, միևնույն է, դժվար են տարբերակվում։
Եթե ադրբեջանցիների հիմնական նպատակը մշտապես հակահայկական քարոզչություն տարածելն էր, ապա, Վրթանեսյանի տվյալներով, այս պահին նրանք զբաղված են Հայաստանում հակառուսական տրամադրությունների տարածմամբ։
«Հայերի ու ռուսների միջև կոնֆլիկտ են հրահրում շատ ակտիվ, նամանավանդ Ուկրաինայի կոնֆլիկտի ֆոնին, ինչը շատ ակնառու է։
Ընդ որում` մի կողմից փորձում են հայերի անունից, իբր, ինչ-որ բաներ անել, մյուս կողմից՝ ներկայանում են որպես ռուս, ու հակահայկական բաներ են գրում»,- մանրամասնեց Վրթանեսյանը։
Այս օգտահաշիվների դեմ պայքարելու միակ ձևը, Վրթանեսյանի կարծիքով, պիտի լինի պետական մոտեցմամբ, այդ թվում՝ մարդկանց բացատրելով ու մեդիագրագիտություն սովորեցնելով, որպեսզի ադրբեջանցիների օգտահաշիվների հետ չընկերանան։
«Բառացիորեն երեկ մի այդպիսի ադրբեջանական կեղծ օգտահաշիվ էի նկատել։ Ընկերներ ունեի, որոնք այդ հաշվի հետ ընկերացել էին, զգուշացրել եմ, որ հեռացնեն, բայց, իհարկե, դա բավականին բարդ ու դժվար գործ է»,- ասաց փորձագետը։
Նրա խոսքով՝ այս խնդրի մասին, օրինակ, «Ֆեյսբուքին» (որտեղ համեմատաբար ավելի շատ օգտահաշիվներ կան) բողոքարկելը նույնպես հարցի լուծում չէ։ Այդ գործին, նրա կարծիքով, պետությունը պիտի լծվի, սակայն Վրթանեսյանի բնորոշմամբ՝ տվյալ դեպքում Հայաստանի իշխանություններն ընդհանրապես այդ հարցերով զբաղված չեն։
«Այն, ինչ չի վերաբերվում իրենց անձնական իշխանությունը պահելուն, մնացած բոլոր հարցերով իրենք ընդհանրապես չեն զբաղվում»,- նշեց Վրթանեսյանը։
Նշենք, որ ավելի վաղ
Արցախի Հանրապետության ազգային անվտանգության ծառայությունը հայտնել էր, որ ադրբեջանական հատուկ ծառայությունները «Ֆեյսբուք» սոցիալական ցանցի արցախյան տիրույթում շարունակում են հայկական օգտահաշիվներով կեղծ լուրեր տարածել և փորձել վախի մթնոլորտ ստեղծել։ ԱՀ ԱԱԾ-ն կոչ է անում չտրվել կեղծ լուրերին, զերծ մնալ կասկածելի լուրեր տարածելուց, դրանք սոցիալական ցանցերում քննարկելուց և հետևել միայն պաշտոնական լրահոսին։
