https://arm.sputniknews.ru/20220427/majrn-asel-e-vor-uzum-er-azatvel-erekhajic-manramasner-gety-netvats-poqriki-depqic-41399513.html
Մայրն ասել է, որ ուզում էր ազատվել երեխայից. մանրամասներ` գետը նետված փոքրիկի դեպքից
Մայրն ասել է, որ ուզում էր ազատվել երեխայից. մանրամասներ` գետը նետված փոքրիկի դեպքից
Sputnik Արմենիա
2 տարեկան աղջկա մայրը տարիներ առաջ կորցրել էր 2 երեխաներին. նրանք թունավորվել էին։ 27.04.2022, Sputnik Արմենիա
2022-04-27T20:08+0400
2022-04-27T20:08+0400
2022-04-27T21:18+0400
հեղինակներ
ալավերդի
գետ
դեբեդ
https://cdn.am.sputniknews.ru/img/1625/70/16257068_0:78:1500:922_1920x0_80_0_0_cabef285750bfdfc31d01d2b41ea58a0.jpg
ԵՐԵՎԱՆ, 27 ապրիլի – Sputnik. Ապրիլի 25-ին մոր կողմից Դեբեդ գետը գցված երեխայի ընտանիքի և ընդհանրապես դեպքի մասին Sputnik Արմենիային մի շարք մանրամասներ են հայտնի դարձել։Տեղեկացրել էինք, որ 2-ամյա աղջնակին Դեբեդից մի տղամարդ է դուրս հանել և ԲԿ տեղափոխել (ի դեպ, նա այսօր ԱԻ նախարարի կողմից պարգևատրվել է)։ Ոստիկանությունը հայտնեց, որ երեխայի մայրը ձերբակալվել է` փոքրիկին գետը գցելու կասկածանքով։ Այժմ 2-ամյա աղջկա` Արևիկի կյանքին վտանգ չի սպառնում։Ալավերդի քաղաքի Դեբեդ թաղամասի բնակշահագործման տեղամասից Մարիետա Մանուկյանը Sputnik Արմենիայի հետ զրույցում նշեց` գետն ընկած երեխան 30-ամյա կնոջ երրորդ զավակն է։Որոշ ժամանակ անց ընտանիքում Արևիկն է ծնվել, սակայն ծնողներն ամուսնալուծվել են։ Սիլվայի առաջին ամուսնու ընտանիքում հոգեկան առողջության խնդիրներ ունեցողներ են եղել` ամուսնու քույրը հոգեբուժարանում է, մյուս քույրն էլ որոշակի խնդիրներ ունի։Երկրորդ անգամ ամուսնանալուց հետո Սիլվան տեղափոխվել է Սարահարթ թաղամաս. տեղի բնակշահագործման աշխատակից տիկին Ռաիսան ասում է` մի քանի ամիս է, ինչ Սիլվան ու Աշոտն ամուսնացել են։«Երկրորդ ամուսինը` Աշոտը, Սիլվայից բավական փոքր է` 20-21 տարեկան է։ Խեղճ ապրող ընտանիք են` նպաստառու։ Մի տան մեջ ապրում էին ամուսիններով, Աշոտի երեք եղբայրները, մայրն ու պապիկը. Աշոտի հայրը մահացած է։ Խելոք ընտանիք է` նրանցից ոչ մի վատ բան լսած չկանք»,- ասաց տիկին Ռաիսան։Ալավերդիում դեպքի հետ կապված իրարամերժ լուրեր են շրջանառվում, սակայն բոլորն ապշած են մոր պահվածքից։ Այդ թաղամասի ԲՇՏ մեկ այլ աշխատակից՝ Գոհար Ուլուխանյանը, նշեց` ամիսներ առաջ Աշոտենց տանը տեսել է Սիլվային, ծանոթացել հետը, սակայն որևէ արտառոց վարքագիծ չի նկատել:Նրա խոսքով` Աշոտի ընտանիքում որևէ մեկը չէր աշխատում` միրգ ու պտուղ էին վաճառում, ապրում։ Ուլուխանյանն ասաց նաև, որ 2-ամյա փոքրիկին խորթ տատը շատ է սիրել, և ընտանիքում նրան վերաբերվել են հարազատի պես։Տեղացիների համար, սակայն, անհասկանալի է, թե ինչը կարող էր կնոջ նման վարքի պատճառ հանդիսանալ։Մեր տեղեկություններով` Արևիկի մայրն ինքնախոստովանական ցուցմունք է տվել և ասել` ուզում էր ազատվել երեխայից, քանի որ այն առաջին ամուսնուց է եղել, ինչպես նաև խանգարում էր իր կյանքին ու գործերին։ Կինն ասել է նաև, որ երկրորդ ամուսինը չի սիրել երեխային։Sputnik Արմենիային քննչական կոմիտեից հայտնեցին, որ ձերբակալված կնոջը կալանավորելու միջնորդություն է ներկայացվել։
ալավերդի
դեբեդ
Sputnik Արմենիա
media@sputniknews.com
+74956456601
MIA „Rosiya Segodnya“
2022
Կարինե Հարությունյան
https://cdn.am.sputniknews.ru/img/2178/38/21783813_684:176:905:397_100x100_80_0_0_052740b6a937344fd018edd917158f71.jpg
Կարինե Հարությունյան
https://cdn.am.sputniknews.ru/img/2178/38/21783813_684:176:905:397_100x100_80_0_0_052740b6a937344fd018edd917158f71.jpg
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
Կարինե Հարությունյան
https://cdn.am.sputniknews.ru/img/2178/38/21783813_684:176:905:397_100x100_80_0_0_052740b6a937344fd018edd917158f71.jpg
հեղինակներ, ալավերդի, գետ, դեբեդ
հեղինակներ, ալավերդի, գետ, դեբեդ
Մայրն ասել է, որ ուզում էր ազատվել երեխայից. մանրամասներ` գետը նետված փոքրիկի դեպքից
20:08 27.04.2022 (Թարմացված է: 21:18 27.04.2022) 2 տարեկան աղջկա մայրը տարիներ առաջ կորցրել էր 2 երեխաներին. նրանք թունավորվել էին։
ԵՐԵՎԱՆ, 27 ապրիլի – Sputnik. Ապրիլի 25-ին մոր կողմից Դեբեդ գետը գցված երեխայի ընտանիքի և ընդհանրապես դեպքի մասին Sputnik Արմենիային մի շարք մանրամասներ են հայտնի դարձել։
Տեղեկացրել էինք, որ 2-ամյա աղջնակին Դեբեդից մի տղամարդ է դուրս հանել և ԲԿ տեղափոխել (ի դեպ, նա այսօր
ԱԻ նախարարի կողմից պարգևատրվել է)։ Ոստիկանությունը հայտնեց, որ երեխայի մայրը ձերբակալվել է` փոքրիկին գետը գցելու կասկածանքով։ Այժմ 2-ամյա աղջկա` Արևիկի կյանքին վտանգ չի սպառնում։
Ալավերդի քաղաքի Դեբեդ թաղամասի բնակշահագործման տեղամասից Մարիետա Մանուկյանը
Sputnik Արմենիայի հետ զրույցում նշեց` գետն ընկած երեխան 30-ամյա կնոջ երրորդ զավակն է։
«Սիլվան երկրորդ անգամ է ամուսնացել։ Նա նախկին ամուսնու և 2 անչափահաս երեխաների հետ ժամանակին Ռուսաստան է գնացել։ Դժբախտ դեպք է եղել` 2 երեխաները շմոլ գազից խեղդվել ու մահացել են։ Դրանից հետո Հայաստան են եկել»,- ասաց Մանուկյանը։
Որոշ ժամանակ անց ընտանիքում Արևիկն է ծնվել, սակայն ծնողներն ամուսնալուծվել են։ Սիլվայի առաջին ամուսնու ընտանիքում հոգեկան առողջության խնդիրներ ունեցողներ են եղել` ամուսնու քույրը հոգեբուժարանում է, մյուս քույրն էլ որոշակի խնդիրներ ունի։
Երկրորդ անգամ ամուսնանալուց հետո Սիլվան տեղափոխվել է Սարահարթ թաղամաս. տեղի բնակշահագործման աշխատակից տիկին Ռաիսան ասում է` մի քանի ամիս է, ինչ Սիլվան ու Աշոտն ամուսնացել են։
«Երկրորդ ամուսինը` Աշոտը, Սիլվայից բավական փոքր է` 20-21 տարեկան է։ Խեղճ ապրող ընտանիք են` նպաստառու։ Մի տան մեջ ապրում էին ամուսիններով, Աշոտի երեք եղբայրները, մայրն ու պապիկը. Աշոտի հայրը մահացած է։ Խելոք ընտանիք է` նրանցից ոչ մի վատ բան լսած չկանք»,- ասաց տիկին Ռաիսան։
Ալավերդիում դեպքի հետ կապված իրարամերժ լուրեր են շրջանառվում, սակայն բոլորն ապշած են մոր պահվածքից։ Այդ թաղամասի ԲՇՏ մեկ այլ աշխատակից՝ Գոհար Ուլուխանյանը, նշեց` ամիսներ առաջ Աշոտենց տանը տեսել է Սիլվային, ծանոթացել հետը, սակայն որևէ արտառոց վարքագիծ չի նկատել:
«Ասաց, որ նոր է հարս եկել, Աշոտի կինն է։ Նորմալ աղջիկ էր։ Էդ մի անգամ էի տեսել այսքան ժամանակ, և մեկ էլ դեպքի օրը տեսա ամուսիններին` իրար հետ «Հայփոստում» էին։ Հավանաբար, կոմունալ վճարումներ կատարելու համար էին եկել»,- ասաց նա:
Նրա խոսքով` Աշոտի ընտանիքում որևէ մեկը չէր աշխատում` միրգ ու պտուղ էին վաճառում, ապրում։ Ուլուխանյանն ասաց նաև, որ 2-ամյա փոքրիկին խորթ տատը շատ է սիրել, և ընտանիքում նրան վերաբերվել են հարազատի պես։
Տեղացիների համար, սակայն, անհասկանալի է, թե ինչը կարող էր կնոջ նման վարքի պատճառ հանդիսանալ։
Մեր տեղեկություններով` Արևիկի մայրն ինքնախոստովանական ցուցմունք է տվել և ասել` ուզում էր ազատվել երեխայից, քանի որ այն առաջին ամուսնուց է եղել, ինչպես նաև խանգարում էր իր կյանքին ու գործերին։ Կինն ասել է նաև, որ երկրորդ ամուսինը չի սիրել երեխային։
Sputnik Արմենիային քննչական կոմիտեից հայտնեցին, որ ձերբակալված կնոջը կալանավորելու միջնորդություն է ներկայացվել։
