https://arm.sputniknews.ru/20220215/mvoskvan-interaktiv-grakanutjun-e-nvirel-hh-i-tesvoghutjan-khangarumner-unecvogh-erekhanerin-38706764.html

Մոսկվան ինտերակտիվ գրականություն է նվիրել ՀՀ-ի տեսողության խանգարումներ ունեցող երեխաներին

Մոսկվան ինտերակտիվ գրականություն է նվիրել ՀՀ-ի տեսողության խանգարումներ ունեցող երեխաներին

Sputnik Արմենիա

Հատուկ ձայնային հրահանգներով կազմված ռուսերեն գրքերը հնարավորություն կտան տեսողության խնդիրներ ունեցող երեխաներին լիարժեք հասկանալու գրականության աշխարհը։ 15.02.2022, Sputnik Արմենիա

2022-02-15T15:43+0400

2022-02-15T15:43+0400

2022-02-15T15:45+0400

մոսկվա

հայաստան

գիրք

տեսողություն

երեխա

https://cdn.am.sputniknews.ru/img/07e6/02/0f/38706228_0:70:1000:633_1920x0_80_0_0_6a8fa26e72acd70e0fb3e6042056d1ac.jpg

ԵՐԵՎԱՆ, 15 փետրվարի – Sputnik. Մոսկվայի կառավարության ԶԼՄ և գովազդի դեպարտամենտը պատկերազարդված ինտերակտիվ ռուսերեն գրականություն է փոխանցել Նիկողայոս Տիգրանյանի անվան տեսողության խանգարումներ ունեցող դպրոցի երեխաներին։ Տեղեկությունը հայտնում են Երևանի «Դոմ Մոսկվի» կենտրոնից։«Գիրք նվիրելու համաշխարհային օրը (փետրվարի 14) տեսողության խնդիրներ ունեցող երեխաներին փոխանցում ենք մեր նվերը: 1993 թվականից Մոսկվայի կառավարության հրատարակչական ծրագիրը տպագրել է բազմաթիվ գրքեր ևակտիվորեն աջակցում է տեսողության խանգարումներ ունեցող երեխաների համար գրքերի տպագրությանն ու տարածմանը», - նշել է Մոսկվայի կառավարության ԶԼՄ և գովազդի դեպարտամենտի տպագրության վարչության ղեկավար Ելենա Կազակովան:Իր հերթին «Դոմ Մոսկվի» կենտրոնի գլխավոր տնօրեն Վահրամ Կարապետյանը շեշտել է, որ պետք է կրթելու հավասար հնարավորություն ստեղծել բոլորի համար:Նա նշել է, որ Երևանում «Դոմ Մոսկվի» կենտրոնը պարբերաբար կրթական նյութեր է փոխանցում տարբեր կրթօջախներին:Դպրոցի տնօրեն Ալեքսան Ահարոնյանն իր խորհին շնորհակալությունն է հայտնել` ընդգծելով, որ ռուսերեն գրականության անհրաժեշտությունն իսկապես կար։Նշենք, որ դպրոցը Հայաստանում միակն է, որտեղ ուսուցումը բրայլյան համակարգով է (տեսողության խնդիրներ ունեցող մարդկանց համար նախատեսված ուռուցիկ-կետային համակարգ)։Գիշերօթիկ դպրոցում այժմ սովորում է 62 երեխա՝ կույր, մնացորդային և թույլ տեսողությամբ: Դպրոցում ուսումնական դասագրքերի, գեղարվեստական գրականության խնդիր կա` ինչպես հայերեն, այնպես էլ օտար լեզուներով։

մոսկվա

2022

Լուրեր

am_HY

մոսկվա, հայաստան, գիրք, տեսողություն, երեխա