https://arm.sputniknews.ru/20211120/kisakarujc-che-dzevn-e-ajdpisin-qich-hajtni-paster-stepanakerti-masin-35479064.html
«Կիսակառույց չէ, ձևն է այդպիսին»․ քիչ հայտնի փաստեր՝ Ստեփանակերտի մասին
«Կիսակառույց չէ, ձևն է այդպիսին»․ քիչ հայտնի փաստեր՝ Ստեփանակերտի մասին
Sputnik Արմենիա
Շուշիից Ստեփանակերտ տեղափոխված սրճարան, Տիգրանակերտի թանգարանի դուռը՝ փաբում, Երևանի Օպերան՝ Արցախի սրտում... Հետաքրքիր տեղեկություններ Ստեփանակերտի մասին՝... 20.11.2021, Sputnik Արմենիա
2021-11-20T09:28+0400
2021-11-20T09:28+0400
2021-11-21T09:48+0400
արցախ
ստեփանակերտ
շուշի
տիգրանակերտ
սրճարան
https://cdn.am.sputniknews.ru/img/07e5/0a/19/34636595_0:17:1600:918_1920x0_80_0_0_46171ccd0ce3cc84a5983211fc6df9bc.jpg
Պատերազմից հետո այստեղ լինելու տպավորություններից մեկն այն է, որ Արցախը վերականգնվում է ոչ թե շաբաթներով, այլ օրերով։ Մարտական գործողություններից մեկ տարի անց հարազատ, ընկերներ, տուն, գույք, ի վերջո՝ խաղաղություն կորցրած արցախցիները լծվել են աշխատանքի ու վերականգնում ու մաքրում են իրենց տարածքը կռվի փոշուց։Արցախ պետք է այցելել, հատկապես՝ պատերազմից հետո, հատկապես՝ հիմա, բայց... Ինչպես Արցախի թեմի առաջնորդ Տեր Վրթանես եպիսկոպոս Աբրահամայանն է ասում, «Հայաստանից դեպի Արցախ ճանապարհին քշում ես՝ մեքենա չի երևում»։ Իսկ Արցախում հետաքրքիր պատմություն կարելի է հանդիպել ամեն քայլափոխի, անգամ եթե պատմությունների մեծ մասը (եթե խորը մտածես՝ բոլորը) ցավից են ծնված։Այս նյութում Արցախի մայրաքաղաք Ստեփանակերտի մասին մի քանի հետաքրքիր փաստեր կնշենք, իսկ մնացածին կարող եք ծանոթանալ ինքներդ՝ այցելելով Արցախ։Կիսատ գմբեթը՝ կարևոր խորհրդանիշՍտեփանակերտի կենտրոնական՝ Վերածննդի հրապարակը ուրվագծում են մի քանի կաթնագույն կառույցներ։ Նրանցից մեկը՝ Արցախի Ազգային ժողովի շենքը քանի տարի է՝ թվում է, թե շինարարության փուլում է ու ոչ մի կերպ չի ավարտվում։ Հաշվի առնելով, թե ինչ խնամքով են տեղի իշխանությունները վերաբերվում քաղաքին, տարօրինակ է, որ Ստեփանակերտի կենտրոնում ինչ-որ բան երկար տարիներ «կիսատ» մնար։ Եվ ճիշտ է, որ տարօրինակ է, որովհետև իրականում այս շենքի գմբեթը նախապես կառուցվել է հենց այս նախագծով՝ ներսում դատարկ տարածությամբ։ Ճարտարապետների միտքը գմբեթի «կիսատությունը» Արցախի կարգավիճակի անորոշության հետ խորհրդանշելն էր։ Ստեփանակերտում ասում են՝ հենց Արցախի կարգավիճակը պարզվի, գմբեթն էլ «կլցվի»։ Դեռ դատարկ է․․․Խառը Երևան՝ ՍտեփանակերտումԱյս փաստը կրկին Ստեփանակերտի հատկանշական ճարտարապետությանն է վերաբերում և կրկին՝ Վերածննդի հրապարակից։ Եթե ուշադիր նայենք, ապա Արցախի մայրաքաղաքում կարելի է «գտնել» Հայաստանի մայրաքաղաքը։ Վերը նշված Ազգային ժողովի՝ Արցախի կարգավիճակը «գլխավերևում» պահող շենքի կողքին արցախցու համար ևս մի կարևոր շինություն է՝ Արցախի Ազատամարտիկների միության շենքը։ Այն դիտելիս Երևանում եղած յուրաքանչյուր մարդու մոտ հիշողությունը պիտի խուտուտ տա․ «Ինչ-որ տեղ նման բան տեսել եմ․․․»։ Շենքը Երևանի ամենագլխավոր կառույցների՝ Հանրապետության Հրապարակի «ժամով» շենքի և Օպերայի միքսն է։ Ի դեպ, Արցախի Մարտունու շրջանի Ճարտար քաղաքի կենտրոնում էլ երևանյան Օպերայի շենքի կրկնօրինակն է՝ չափերով մի քանի անգամ փոքր։ Այն քաղաքի համայնքապետարանն է։Մասունքներ Տիգրանակերտից և Թալիշից, բայց ոչ թանգարանումՍտեփանակերտի միակ փաբը՝ «Բարդակը» քաղաքում գործում է 2016-ից։ Հիմնադիր Ազատ Ադամյանը, որը մասնակցել է թե ապրիլյան պատերազմին, թե 44-օրյային, բացել է ժամանցային վայրը ապրիլյանից հետո։ Բացման օրերից փաբը Ստեփանակերտի և քաղաքի հյուրերի ամենասիրելի վայրերից է, բայց 44-օրյայից հետո դարձել է նաև կարևոր մասունքների տեղ։ Այսօր փաբի դուռը Տիգրանակերտի թանգարանից բերված փայտե դուռն է, փաբի բակում Խնածախից բերված «Սմերչի» արկ է դրված, փաբի ներսում էլ երկու ցուցանակ կա՝ Թալիշ գյուղի գյուղապետարանինն ու դեպի Տիգրանակերտ տանող ճանապարհինը։Ազատը խոստանում է ամեն ինչ իրենց տեղերը վերադարձնել (դե բացի «Սմերչից»), երբ Տիգրանակերտն էլ, Թալիշն էլ նորից հայկական վերահսկողության տակ կլինեն։Շուշիի ուրախ շունչըՇուշին միայն պատմական կառույցներ, եկեղեցիներ, թանգարաններ ու բնակելի տներ չէր, քաղաքում վերջին տարիներին ակտիվացել էր երիտասարդական կյանքը։ Քաղաքի պարիսպների մոտ Հայկ Ավանեսյանը սրճարան էր բացել։ Պատերազմի հետևանքով Հայկը կորցրեց ձախ ոտքը, հայրենի քաղաքը և իր բիզնեսը, բայց այսօր Ստեփանակերտի վերականգնվող կյանքի մեջ ունի իր մեծ լուման։Արցախի մայրաքաղաքում նա բացել է «Բաժակ» սրճարանը, որը Ստեփանակերտի երիտասարդական հավաքատեղիներից է դարձել։ Այստեղ լավ հիշում են, որ «Բաժակի» «նախահայրը» մնացել է Շուշիում, իսկ խոսակցությունները Շուշի և մյուս հայկական կորցրած վայրեր վերադառնալու մասին չեն դադարում․․․
ստեփանակերտ
շուշի
տիգրանակերտ
Sputnik Արմենիա
media@sputniknews.com
+74956456601
MIA „Rosiya Segodnya“
2021
Ժաննա Պողոսյան
https://cdn.am.sputniknews.ru/img/1078/54/10785441_0:49:999:1049_100x100_80_0_0_2c2c183b7d323507eef7ffd8daf7f251.jpg
Ժաննա Պողոսյան
https://cdn.am.sputniknews.ru/img/1078/54/10785441_0:49:999:1049_100x100_80_0_0_2c2c183b7d323507eef7ffd8daf7f251.jpg
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
Ժաննա Պողոսյան
https://cdn.am.sputniknews.ru/img/1078/54/10785441_0:49:999:1049_100x100_80_0_0_2c2c183b7d323507eef7ffd8daf7f251.jpg
արցախ, ստեփանակերտ, շուշի, տիգրանակերտ, սրճարան
արցախ, ստեփանակերտ, շուշի, տիգրանակերտ, սրճարան
«Կիսակառույց չէ, ձևն է այդպիսին»․ քիչ հայտնի փաստեր՝ Ստեփանակերտի մասին
09:28 20.11.2021 (Թարմացված է: 09:48 21.11.2021) Շուշիից Ստեփանակերտ տեղափոխված սրճարան, Տիգրանակերտի թանգարանի դուռը՝ փաբում, Երևանի Օպերան՝ Արցախի սրտում... Հետաքրքիր տեղեկություններ Ստեփանակերտի մասին՝ Sputnik Արմենիայի նյութում։
Պատերազմից հետո այստեղ լինելու տպավորություններից մեկն այն է, որ Արցախը վերականգնվում է ոչ թե շաբաթներով, այլ օրերով։ Մարտական գործողություններից մեկ տարի անց հարազատ, ընկերներ, տուն, գույք, ի վերջո՝ խաղաղություն կորցրած արցախցիները լծվել են աշխատանքի ու վերականգնում ու մաքրում են իրենց տարածքը կռվի փոշուց։
Արցախ պետք է այցելել, հատկապես՝ պատերազմից հետո, հատկապես՝ հիմա, բայց... Ինչպես Արցախի թեմի առաջնորդ Տեր Վրթանես եպիսկոպոս Աբրահամայանն է ասում, «Հայաստանից դեպի Արցախ ճանապարհին քշում ես՝ մեքենա չի երևում»։ Իսկ Արցախում հետաքրքիր պատմություն կարելի է հանդիպել ամեն քայլափոխի, անգամ եթե պատմությունների մեծ մասը (եթե խորը մտածես՝ բոլորը) ցավից են ծնված։
Այս նյութում Արցախի մայրաքաղաք Ստեփանակերտի մասին մի քանի հետաքրքիր փաստեր կնշենք, իսկ մնացածին կարող եք ծանոթանալ ինքներդ՝ այցելելով Արցախ։
Կիսատ գմբեթը՝ կարևոր խորհրդանիշ
Ստեփանակերտի կենտրոնական՝ Վերածննդի հրապարակը ուրվագծում են մի քանի կաթնագույն կառույցներ։ Նրանցից մեկը՝ Արցախի Ազգային ժողովի շենքը քանի տարի է՝ թվում է, թե շինարարության փուլում է ու ոչ մի կերպ չի ավարտվում։ Հաշվի առնելով, թե ինչ խնամքով են տեղի իշխանությունները վերաբերվում քաղաքին, տարօրինակ է, որ Ստեփանակերտի կենտրոնում ինչ-որ բան երկար տարիներ «կիսատ» մնար։ Եվ ճիշտ է, որ տարօրինակ է, որովհետև իրականում այս շենքի գմբեթը նախապես կառուցվել է հենց այս նախագծով՝ ներսում դատարկ տարածությամբ։ Ճարտարապետների միտքը գմբեթի «կիսատությունը» Արցախի կարգավիճակի անորոշության հետ խորհրդանշելն էր։ Ստեփանակերտում ասում են՝ հենց Արցախի կարգավիճակը պարզվի, գմբեթն էլ «կլցվի»։ Դեռ դատարկ է․․․
Խառը Երևան՝ Ստեփանակերտում
Այս փաստը կրկին Ստեփանակերտի հատկանշական ճարտարապետությանն է վերաբերում և կրկին՝ Վերածննդի հրապարակից։ Եթե ուշադիր նայենք, ապա Արցախի մայրաքաղաքում կարելի է «գտնել» Հայաստանի մայրաքաղաքը։ Վերը նշված Ազգային ժողովի՝ Արցախի կարգավիճակը «գլխավերևում» պահող շենքի կողքին արցախցու համար ևս մի կարևոր շինություն է՝ Արցախի Ազատամարտիկների միության շենքը։ Այն դիտելիս Երևանում եղած յուրաքանչյուր մարդու մոտ հիշողությունը պիտի խուտուտ տա․ «Ինչ-որ տեղ նման բան տեսել եմ․․․»։ Շենքը Երևանի ամենագլխավոր կառույցների՝ Հանրապետության Հրապարակի «ժամով» շենքի և Օպերայի միքսն է։ Ի դեպ, Արցախի Մարտունու շրջանի Ճարտար քաղաքի կենտրոնում էլ երևանյան Օպերայի շենքի կրկնօրինակն է՝ չափերով մի քանի անգամ փոքր։ Այն քաղաքի համայնքապետարանն է։
Մասունքներ Տիգրանակերտից և Թալիշից, բայց ոչ թանգարանում
Ստեփանակերտի միակ փաբը՝ «Բարդակը» քաղաքում գործում է 2016-ից։ Հիմնադիր Ազատ Ադամյանը, որը մասնակցել է թե ապրիլյան պատերազմին, թե 44-օրյային, բացել է ժամանցային վայրը ապրիլյանից հետո։ Բացման օրերից փաբը Ստեփանակերտի և քաղաքի հյուրերի ամենասիրելի վայրերից է, բայց 44-օրյայից հետո դարձել է նաև կարևոր մասունքների տեղ։ Այսօր փաբի դուռը Տիգրանակերտի թանգարանից բերված փայտե դուռն է, փաբի բակում Խնածախից բերված «Սմերչի» արկ է դրված, փաբի ներսում էլ երկու ցուցանակ կա՝ Թալիշ գյուղի գյուղապետարանինն ու դեպի Տիգրանակերտ տանող ճանապարհինը։
Ազատը խոստանում է ամեն ինչ իրենց տեղերը վերադարձնել (դե բացի «Սմերչից»), երբ Տիգրանակերտն էլ, Թալիշն էլ նորից հայկական վերահսկողության տակ կլինեն։
Շուշին միայն պատմական կառույցներ, եկեղեցիներ, թանգարաններ ու բնակելի տներ չէր, քաղաքում վերջին տարիներին ակտիվացել էր երիտասարդական կյանքը։ Քաղաքի պարիսպների մոտ Հայկ Ավանեսյանը սրճարան էր բացել։ Պատերազմի հետևանքով Հայկը կորցրեց ձախ ոտքը, հայրենի քաղաքը և իր բիզնեսը, բայց այսօր Ստեփանակերտի վերականգնվող կյանքի մեջ ունի իր մեծ լուման։
Արցախի մայրաքաղաքում նա բացել է «Բաժակ» սրճարանը, որը Ստեփանակերտի երիտասարդական հավաքատեղիներից է դարձել։ Այստեղ լավ հիշում են, որ «Բաժակի» «նախահայրը» մնացել է Շուշիում, իսկ խոսակցությունները Շուշի և մյուս հայկական կորցրած վայրեր վերադառնալու մասին չեն դադարում․․․
