https://arm.sputniknews.ru/20211102/onik-gasparjanin-pashtonic-azatelu-himq-handisacats-hodvatsy-sd-n-sahmanadrakan-e-tshanachel-34930873.html

Օնիկ Գասպարյանին պաշտոնից ազատելու հիմք հանդիսացած հոդվածը ՍԴ-ն սահմանադրական է ճանաչել

Օնիկ Գասպարյանին պաշտոնից ազատելու հիմք հանդիսացած հոդվածը ՍԴ-ն սահմանադրական է ճանաչել

Sputnik Արմենիա

Արմեն Սարգսյանի` դեռ մարտ ամսին ՍԴ դիմումի առնչությամբ դատարանը որոշում է կայացրել։ 02.11.2021, Sputnik Արմենիա

2021-11-02T20:11+0400

2021-11-02T20:11+0400

2021-11-02T20:14+0400

արմեն սարգսյան

սահմանադրական դատարան

օնիկ գասպարյան

https://cdn.am.sputniknews.ru/img/07e5/03/03/26663165_0:0:1024:577_1920x0_80_0_0_3ac66d71a4d5801ff0d8b4b97f4e5158.jpg

ԵՐԵՎԱՆ, 2 նոյեմբերի – Sputnik. «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի օրենքի 40-րդ հոդվածի 3-րդ մասը Սահմանադրական դատարանը սահմանադրական է ճանաչել։ Տեղեկությունը Sputnik Արմենիային հայտնեց ՍԴ մամուլի քարտուղար Եվա Թովմասյանը՝ հավելելով, որ որոշումը եռօրյա ժամկետում կհրապարակվի ՍԴ պաշտոնական կայքում: Հայաստանի ՄԻՊ–ը դիմել է Սահմանադրական դատարանՆշենք, որ ԶՈւ գլխավոր շտաբի նախկին պետ Օնիկ Գասպարյանին ԳՇ պետի պաշտոնից ազատելու համար վարչապետ Նիկոլ Փաշինյանը հենց այս հոդվածին էր հղում կատարել, իսկ ՀՀ նախագահ Արմեն Սարգսյանն այն ուղարկել էր ՍԴ` դրա սահմանադրականությունը որոշելու։ Ի դեպ, վերոհիշյալ 40-րդ հոդվածի 3-րդ մասը սահմանում է. «Բարձրագույն հրամանատարական կազմի զինվորական պաշտոն զբաղեցնող պայմանագրային զինծառայողին զինվորական պաշտոնից ազատումն իրականացվում է սույն օրենքի 35.1-ին հոդվածով բարձրագույն հրամանատարական կազմի զինվորական պաշտոնի նշանակելու համար սահմանված կարգով: Բարձրագույն հրամանատարական կազմի զինվորական պաշտոնից ազատումը կարող է իրականացվել անկախ այն հանգամանքից` առկա են սույն հոդվածի 1-ին մասով սահմանված հիմքեր, թե ոչ»: Ավելի պարզ` «Զինվորական ծառայության և զինծառայողի կարգավիճակի մասին» օրենքի 40-րդ հոդվածի 3-րդ մասը, որն ուժի մեջ է մտել 2018թ. հունիսի 21-ին, սահմանում է, որ բարձրագույն զինվորականին պաշտոնից կարելի է ազատել նաև առանց պատճառի:Հիշեցնենք` ՀՀ ԶՈւ գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը` նշելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց ԳՇ պետի առաջին տեղակալ Տիրան Խաչատրյանին։Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում` հեղափոխությունը պաշտպանելու համար։ «Պետք է աջակցենք Ռոբերտ Քոչարյանին». Օնիկ Գասպարյանն ուղերձ է հղելՆա հայտնեց նաև, որ ստորագրել է ԳՇ շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը առաջարկությունը նորից ուղարկեց ՀՀ նախագահին։Մարտի 2-ին հայտնի դարձավ, որ նախագահը չի ստորագրել Օնիկ Գասպարյանին ԳՇ պետի պաշտոնից ազատելու հրամանագիրը, բայց ՍԴ է դիմելու ոչ թե Նիկոլ Փաշինյանի ներկայացրած հրամանագրի նախագծի սահմանադրականության հարցը պարզելու համար, այլ «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով:Կառավարությունը հրապարակեց ՀՀ վարչապետ Նիկոլ Փաշինյանի հայտարարությունը` նշելով, որ 2021թ. մարտի 10-ից Օնիկ Գասպարյանն իրավունքի ուժով համարվում է ազատված զբաղեցրած պաշտոնից։Մինչ այդ ՀՀ նախագահի աշխատակազմը հայտնեց, որ Արմեն Սարգսյանը դիմում է ներկայացրել Սահմանադրական դատարան «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի օրենքի՝ Սահմանադրությանը համապատասխանելու հարցը որոշելու խնդրանքով:

https://arm.sputniknews.ru/20211021/sd-n-nojemberi-25-in-kqnni-harkadir-patvastman-sahmanadrakanutjuny-34539386.html

https://arm.sputniknews.ru/20210914/datarany-kartshel-e-onik-gasparjann-ynddem-hh-nakhagahi-ev-nikvol-pashinjani-gvortsvov-varujty-33272102.html

2021

Լուրեր

am_HY

արմեն սարգսյան, սահմանադրական դատարան, օնիկ գասպարյան