ԵՐԵՎԱՆ, 19 մայիսի- Sputnik. Ազգային ժողովի արտահերթ ընտրությունների քարոզարշավի ժամանակահատվածում Հանրային հեռուստատեսության վճարովի եթերաժամի մեկ րոպեի գինը սահմանվել է 45 000 ՀՀ դրամ: Տեղեկությունը հայտնում է Հանրային հեռուստատեսության գործադիր տնօրեն Հովհաննես Մովսիսյանը` ֆեյսբուքյան իր էջում գրառում անելով։
«Այս գինը անհամեմատ ցածր է Առաջին ալիքի առևտրային գովազդի սակագներից։ Մեկ րոպեի արժեքը զգալիորեն տարբերվում է նաև դաշտում առկա այլ առաջարկներից, որպեսզի թեկնածուները Հանրային հեռուստաընկերության լայն լսարանին իրենց նախընտրական ծրագիրը ներկայացնելու ավելի մատչելի հնարավորություն ունենան»,–գրել է նա։
Հիշեցնենք, որ 2018-ին վճարովի եթերաժամի մեկ րոպեի գինը սահմանվել էր 48 000 դրամ։
Իսկ Հանրային ռադիոյի համար ՀՀ ազգային ժողովի արտահերթ ընտրության նախապատրաստման քարոզչության ժամանակահատվածում վճարովի եթերաժամի մեկ րոպեի գինը սահմանվել է 1 800 ՀՀ դրամ (ներառյալ՝ ԱԱՀ-ն), տեղեկացնում են Հեռուստատեսության և ռադիոյի հանձնաժողովից։
Խորհրդարանական արտահերթ ընտրությունները կանցկացվեն հունիսի 20-ին։
«Ազատ հայրենիք». Հայաստանի քաղաքական դաշտում նոր դաշինք է ձևավորվել
