ԵՐԵՎԱՆ, 29 մարտի – Sputnik. Այսօր Աբովյան քաղաքում` հակատուբերկուլյոզային դիսպանսերի մոտ, ճակատ-ճակատի են բախվել «Toyota»-ն ու «Lada»-ն։ Տեղեկությունը հայտնում է shamshyan.com–ը։
Դեպքը տեղի է ունեցել ժամը 14։45-ի սահմանում։ Վթարի հետևանքով 4 հոգի, որոնցից 2-ը՝ ծայրահեղ ծանր ախտորոշմամբ, տեղափոխվել են «Աբովյան» բժշկական կենտրոն։
Մինչ քննիչներն աշխատել են դեպքի վայրում, հիվանդանոցից ահազանգել են, որ տուժածներից մեկը մահացել է։
Հարուցվել է քրեական գործ։ Ոստիկանությունն ու քննչական բաժինը պարզում են մահացածի, վարորդների և վիրավորների ինքնությունը։
Նշենք, որ ըստ ոստիկանության տվյալների` անցած 3 օրվա ընթացքում Հայաստանում արձանագրվել է 41 ՃՏՊ:
Մանվել Գրիգորյանի աներորդուն վրաերթի ենթարկած վարորդը հայտնաբերվել է
