ԵՐԵՎԱՆ, 7 դեկտեմբերի - Sputnik. Ռուս խաղաղապահների առաջին շարժական բրիգադները սկսել են բժշկական ծառայություններ մատուցել Լեռնային Ղարաբաղի բնակիչներին, տեղեկացնում են ՌԴ պաշտպանության նախարարությունից։
«Հատուկ նշանակության բժշկական ջոկատի ռուս խաղաղապահները կազմել են բազմաֆունկցիոնալ բժշկական բրիգադներ՝ Լեռնային Ղարաբաղի Ասկերանի շրջանում ռազմական բժիշկների արտագնա աշխատանքներն ապահովելու համար»,-նշվում է հաղորդագրության մեջ։
Բրիգադները համալրված են բժշկական ու հոգեբանական ծառայությունների տարբեր մասնագետներով։ Տեղի բնակիչները դիմում են հիմնականում ատամնաբուժական օգնություն ստանալու, նաև խրոնիկական հիվանդությունների սրացման, սիրտ-անոթային ու էնդոկրինոլոգիական հիվանդությունների դեպքում։
Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։
Կային, կան ու կլինեն մեր կողքին. մոսկովյան բժիշկներն ամեն ինչ անում են Արցախի համար
Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:
Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:
Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են
