ԵՐԵՎԱՆ, 23 հոկտեմբերի - Sputnik. Ադրբեջանական դիվերսիոն խմբերից գրեթե լիովին մաքրվել է Շեխեր բնակավայրն իր հարակից անտառներով։ Լրագրողների հետ ճեպազրույցի ժամանակ հայտնեց ՀՀ ՊՆ ներկայացուցիչ Արծրուն Հովհաննիսյանը։
«Այսօր առավոտյան ադրբեջանական զինված ուժերը շարունակել են հարձակվողական գործողությունները ռազմաճակատի ողջ երկայնքով։ Բերձորում երեք արկ է ընկել։ Այսօր ընթացել են Շեխեր, Ջիվաիկ և հարակից գյուղերում դիվերսիոն ներթափանցման փորձ արածներին չեզոքացման աշխատանքները։ Այս ուղղությամբ հաջողություններ ունենք»,–ասաց Հովհաննիսյանը։
Նա հայտնեց նաև, որ որոշ տեղերում այդ աշխատանքները շարունակվում են։
Տարբեր ճանապարհների, գետերի ուղղությամբ փորձում են հարձակումներ իրականացնել. Հովհաննիսյան
Հովհաննիսյանի խոսքով, հարավային ուղղությամբ ադրբեջանական ԶՈւ ստորաբաժանումները փորձել են գրոհել Որոտանի ուղղությամբ։ Մի քանի գրոհներ տապալվել են, որից հետո զգալի կորուստներ կրելով՝ հետ են շպրտվել։ Հովհաննիսյանը հայտնեց` որոշ ստորաբաժանումներ կազմալուծվել են, կորցնելով ռազմատխենիկան` դիմել են փախուստի և փորձել թաքնվել մոտակա անտառներում և ձորակներում։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 23-ի ժամը 14։30-ի դրությամբ` հակառակորդի կրակոցների հետևանքով զոհվել են 927 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6539 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 206 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 588 տանկ և ՀՄՄ:
Հայը, «սիրիացին» ու բելառուսը. «հին գելերը» մեկնել են առաջնագիծ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Պատերազմ Արցախում` առանց սեփական զինվորների. ո՞րն է Էրդողանի գերնպատակը
