ԵՐԵՎԱՆ, 15 հոկտեմբերի - Sputnik. Այս գիշեր ԱՄՆ–ի Լոս Անջելեսի քաղաքապետարանի շենքը հայոց եռագույնով է լուսավորվել։ Տեղեկությունը Facebook-ի իր էջում հայտնել է Լոս Անջելեսի քաղաքային խորհրդի անդամ Փոլ Կրեկորյանը։ Նա նշել է, որ այսպես քաղաքն իր աջակցությունն է հայտնում Արցախի Հանրապետության և ողջ հայ ժողովրդին։
Կրեկորյանը նշում է՝ 6 տարի առաջ քաղաքապետարանի շենքում (Սիթի հոլում) Լոս Անջելերսը ճանաչեց ժողովրդավարական, անկախ Արցախի Հանրապետությունը։
«Սեպտեմբերի 27-ին Ադրբեջանի զինուժը սկսեց աննախադեպ, չսանձազերծված հարձակում Արցախի և Հայաստանի վրա: Հարձակումները հրահրում է Թուրքիան, որը մատակարարում է Սիրիայի և Լիբիայի ահաբեկիչ վարձկաններին»,- գրել է Կրեկորյանը:
Նա նաև նշել է, որ վերջին 17 օրերի ընթացքում Արցախի խաղաղ բնակչությունը ահաբեկչության է ենթարկվում հումանիտար աղետի պայմաններում:
Կրեկորյանն ընդգծել է՝ ժամանակն է, որ Միացյալ Նահանգների կառավարությունը և Թրամփի վարչակազմը գործի անցնեն։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 14-ի ժամը 21:00-ի դրությամբ` հակառակորդի կրակոցների հետևանքով զոհվել են 555 զինծառայողներ և 32 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 5486 զոհ ունի, ավելի քան 5000 վիրավոր։
Ըստ վերջին տվյալների՝ Ադրբեջանի զինված ուժերը կորցրել են 19 ինքնաթիռ, 16 ուղղաթիռ, 176 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 541 տանկ և ՀՄՄ:
«Ես կրակի տակ ամենաթանկ բանն եմ թողել՝ որդուս». ինչպես են ապրում արցախցիները Ջրամբարում
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։
Նույնիսկ ճանճը չի կարող խուսափել հայուհու դիպուկ հարվածից. արցախյան պատերազմի կանացի դեմքը
