ԵՐԵՎԱՆ, 28 սեպտեմբերի – Sputnik. Հայազգի ռուսաստանաբնակ գործարար Սամվել Կարապետյանը մտահոգություն է հայտնել Արցախում ստեղծված իրավիճակի վերաբերյալ։
Նա համոզված է` հակամարտությունը պետք է կարգավորել քաղաքական խաղաղ ճանապարհով:
«Այս օրերին հայ զինվորի դրսևորած արիությունն ու հերոսությունը հերթական անգամ հպարտության զգացում են արթնացնում։ Սակայն ստեղծված իրավիճակը խիստ մտահոգիչ է։ Մեծ պատերազմն ու մեծաթիվ զոհերը մեզանից մեկ քայլ են հեռու, բայց դրանցից կարելի է խուսափել։ Հույս ունեմ, որ հակամարտության կարգավորումը կտեղափոխվի բանակցային սեղան և կընթանա խաղաղ ճանապարհով, այլ ոչ թե կշարունակվի մարտի դաշտում», – ասվում է հայտարարության մեջ։
Կարապետյանը ցավակցություն է հայտնել զոհված հայ զինվորների և խաղաղ բնակիչների ընտանիքներին։ Գործարարը նրանց նյութական աջակցություն է խոստացել։
Հիշեցնենք` սեպտեմբերի 27-ին Հայաստանի ողջ տարածքում հայտարարվել է ռազմական դրություն` պայմանավորված Արցախում ու Հայաստանի սահմանների նկատմամբ Ադրբեջանի ձեռնարկած հարձակումներով։
«Նոր պատերազմը պետք է կանխել». ԵՄ–ն դիմել է ղարաբաղյան հակամարտության կողմերին
Սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:
Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։ Մարտերը շարունակվում են։
Դուշանբեում ոչ թե ես, այլ Ալիևն է ինձնից մի բան խնդրել. Փաշինյանը նոր մանրամասներ հայտնեց
Հակառակորդի կրակոցների հետևանքով զոհվել են 59 զինծառայողներ և 2 քաղաքացիական անձինք։ Հայկական կողմը մոտ 200 վիրավոր ունի։
Հակառակորդի կորուստներն անհամեմատ մեծ են։ Արցախում և Հայաստանում ռազմական դրություն և համատարած զորահավաք է հայտարարվել։
