ԵՐԵՎԱՆ, 16 օգոստոսի – Sputnik. Հոլիվուդյան աստղ, դերասան Թոմ Քրուզը վթարի է ենթարկվել մոտոցիկլետով հնարք կատարելիս «Առաքելությունն անիրագործելի է» ֆիլմի նկարահանումների ժամանակ։
The Mirror-ի հաղորդմամբ` սցենարային մտահղացմամբ՝ դերասանը պետք է մոտոցիկլետով թռչեր շենքի մի տանիքից մյուսը։ Քրուզը հայտնի է նրանով, որ նախընտրում է չօգտվել կասկադյորների ծառայություններից, ինքնուրույն կատարել բոլոր հնարքները։ Այս անգամ էլ նա սովորություններին հավատարիմ է մնացել։
Բայց մոտոցիկլետի հետ խնդիրներ են առաջացել, հանկարծակի այն սկսել է դանդաղել, Քրուզը չի կարողացել ժամանակին արագացնել ընթացքն ու արդյունքում չի հասել տանիքին։ Բարեբախտաբար, Քրուզն ապահովագրված է եղել բոլոր պաշտպանիչ միջոցներով և ընկնելու ժամանակ չի տուժել։ Փոխարենն այրվել է 2,5 մլն դոլար արժեցող մոտոցիկլետը։
Ռեժիսոր Քրիստոֆեր Մաքքուորիի «Առաքելությունն անիրագործելի է 7» ֆիլմը պետք է վարձույթում հայտնվի 2021 թվականի նոյեմբերի 18-ին:
