ՌԴ նախագահ Վլադիմիր Պուտինը քվեարկել է ՌԴ սահմանադրության փոփոխությունների համառուսական քվեարկության ընթացքում։
Պուտինն այսօր ժամանել է թիվ 2151 ընտրատարածք, որը գտնվում է Ռուսաստանի գիտությունների ակադեմիայի (ՌԳԱ) շենքում, որտեղ նա, ըստ ավանդույթի, քվեարկում է տարբեր ընտրությունների ժամանակ։
Պուտինը 10.57-ին ժամանել է ՌԳԱ ու անցել ընտրական հանձնաժողովի տարածք։ Նա ցույց տվել իր անձնագիրը, իսկ ընտրական հանձնաժողովի անդամը նշել է նրա անունը ընտրողների ցուցակում ու առաջարկել նախագահին օգտագործել մեկանգամյա օգտագործման գրիչը՝ ստորագրելու համար։
Դրանից հետո Պուտինը ստացել է ընտրաթերթիկն ու անցել քվերակության խցիկ։ Նա քվեարկել է ու գցել է ընտրաթերթիկը հատուկ արկղի մեջ։
Նախագահն առանց դիմակի ու ձեռնոցի է եղել, սակայն քվեարկությունից առաջ ընտրական հանձնաժողովի տարածքն ախտահանվել էր։
Հիշեցնենք` Ռուսաստանի Սահմանադրության բարեփոխումների հանրաքվեն նախատեսվում էր անցկացնել ապրիլի 22-ին, սակայն զանգվածային միջոցառումը հետաձգվեց կորոնավիրուսի համավարակի պատճառով։
«Մենք բարդ մարտահրավեր ենք հաղթահարել»․ Պուտինը` Ռուսաստանում COVID-19-ի դեմ պայքարի մասին
Ավելի ուշ նախագահ Վլադիմիր Պուտինը հայտարարեց, որ քվեարկությունը տեղի կունենա հուլիսի 1-ին:
Որոշվել էր քվեարկությունն անցկացնել 7 օրվա ընթացքում` հունիսի 25-ից հուլիսի 1-ը։ Մոսկվայում բնակվողներից բացի, առցանց քվեարկությանը կարող են մասնակցել Նիժնի Նովգորոդի մարզի և ևս երկու այլ շրջանների բնակիչները։
Ռուսաստանի հետ հարաբերությունների ծավալը չափազանց մեծ է. Մնացականյան
