ԵՐԵՎԱՆ, 30 հունիսի - Sputnik. Վրացական կողմի հետ կրկին համաձայնություն է ձեռք բերվել Հայաստանում գտնվող ՌԴ քաղաքացիների հերթական խմբին ավտոբուսներով հայրենիք վերադարձնելու մասին։ Տեղեկությունը Facebook–ի իր էջում հայտնում է Հայաստանում Ռուսաստանի դեսպանատունը։
Հայաստանից Ռուսաստան 3 չվերթ կիրականացվի․ դեսպանատուն
«Դեսպանատան՝ «Հարավկովկասյան երկաթուղի» ՓԲԸ-ի հետ ձեռքբերված պայմանավորվածությամբ, ընկերությունը պատրաստ է իր վրա վերցնել զբոսաշրջային դասի (օդորակիչներով և զուգարաններով) հարմարավետ ավտոբուսների վճարման ծախսերը, ինչը էապես կհեշտացնի երթևեկությունը սահմանակից պետության տարածքով, քանի որ տեխնիկական կանգառներ չեն պահանջվի»,- նշված է դեսպանատան հաղորդագրության մեջ։
Մեկնողների ցուցակները կկազմվեն նախապես տրամադրված տվյալների հիման վրա։ Հայրենիք վերադարձող ուղևորների հետ կապ կհաստատեն դեսպանատան հյուպատոսական բաժնի աշխատակիցները։
Հայաստանում Ռուսաստանի դեսպանությունը տեղեկացնում է, որ ՌԴ քաղաքացիների վերադարձի կազմակերպումը հնարավոր է դարձել դեսպանատան և ՌԴ ԱԳՆ-ի, ՌԴ Դաշնային անվտանգության ծառայության Սահմանային ծառայությունների, Դաշնային Մաքսային ծառայության, Սպառողների իրավունքների պաշտպանության և մարդու բարեկեցության վերահսկողության դաշնային ծառայության, ՌԴ հաղորդակցության և կապի նախարարության և Հայաստանի ու Վրաստանի իշխանությունների, նաև Հյուսիսային Օսեթիայի ղեկավարության փոխգործակցության արդյունքում։
Ռուսաստանի քաղաքացի հայերը փակված են մնացել Վրաստանի սահմանին․ ինչ է ասում դեսպանատունը
Համապատասխան գերատեսչությունների կողմից բոլոր մանրամասներով մշակվում ու կազմակերպվում է ՌԴ քաղաքացիների անվտանգ վերադարձը հայրենիք։
Դեսպանությունից տեղեկացնում են, որ կիրականացվի նաև տրանսպորտային միջոցների սանիտարահիգիենիկ ախտահանում։
