Մամուլում ներկայացված վիճակագրական տվյալների համաձայն` 2020թ.–ի ապրիլին 2019թ.–ի դեկտեմբերի վերջի համեմատ ՀՀ առևտրային բանկերի միջոցով ներգրավված ավանդների ծավալը կրճատվել է 2,6 տոկոսով` կազմելով շուրջ 2,5 տրիլիոն դրամ, մինչդեռ նախորդ ամսվա համեմատ անկումը եղել է 3,3 տոկոս։
Բիզնեսին ճգնաժամից փրկելու նոր տարբերակ. ի՞նչ է առաջարկում ՀՀ կառավարությունը
Սամվել Ճզմաչյանի դիտարկմամբ` թեև ավանդների ծավալները որոշակի անկում են արձանագրել, սակայն կորուստն այնքան էլ մեծ չէ։ Ըստ նրա` 1990-ական թվականներից հետո եղել են դեպքեր, երբ նկատվել է ժամանակավոր անկում, ինչը բնական երևույթ է, որովհետև մեր հանրապետության համար այս կամ այն գլոբալ հարցում որոշակի խնդիրներն անխուսափելիորեն հանգեցնում են նման իրավիճակի։
«Մարդիկ շատ զգուշավոր են, հետևաբար ավանդների ծավալների անկումը կապված է այն հանգամանքի հետ, որ քաղաքացիները սոցիալական նպատակներից ելնելով` համավարակի ժամանակաշրջանում բանկերից հանում են իրենց գումարները, որպեսզի հոգան առաջին անհրաժեշտության ծախսերը։ Չէ՞ որ շատերի ավանդները միլիոնավոր կամ հարյուր հազարավոր դոլարներ չեն։ Ավանդների մեծամասնությունը դժվարությամբ հավաքագրված գումարներ են, որոնց հետ մարդիկ որոշակի հույսեր են կապում և որոնցից ստացվող տոկոսները միանշանակ բավական մեծ դեր են կատարում ընտանեկան բյուջեում»,– նշում է Եվրասիական համագործակցության ֆինանսաբանկային ասոցիացիայի փոխնախագահը։
Ճզմաչյանի կարծիքով` շատերն այն նկատառությամբ են իրենց գումարները պահ տալիս բանկերին, որ հետագայում կարողանան ծախսել հենց նման բարդ իրավիճակներում։ Ըստ նրա` գլխավորապես համավարակի առկայությամբ է պայմանավորված այն հանգամանքը, որ մեր տնտեսության մեջ առաջացել են բավականին բարդ խնդիրներ, որոնք դեռ հաղթահարված չեն։
«Շատերը մարտից չեն աշխատում, ինչը հանգեցրել է նաև կենսամակարդակի անկման, և հենց դա է հիմնական պատճառներից մեկը, որ նրանք հանել են գումարները բանկերից, որպեսզի կազմակերպեն իրենց ապրուստը»,– նշում է ասոցիացիայի փոխնախագահը։
Գազի գինը փոխվեց. ով որքան է վճարելու հուլիսի 19-ից հետո
Ճզմաչյանն ավանդների ծավալների անկումը պայմանավորում է նաև այլ հանգամանքներով, որոնք նույնպես կապված են քաղաքացիների վարքագծի հետ, այսինքն` տեղային են, անհատական, անձնական, իսկ ինչ վերաբերում է անկման 3,3 տոկոսին, ապա Ճզմաչյանը համոզված է, որ ցուցանիշը մեծ չէ, և կարելի է այն շատ կարճ ժամանակամիջոցում վերականգնել։ Ըստ նրա` ավանդները վերջին հաշվով բանկերում վերջին տեղը չեն զբաղեցնում ներգրավված միջոցների մեջ։
Ի՞նչն է ավելի կարևոր՝ մարդկային կյա՞նքը, թե՞ տնտեսության զարգացումը
