ԵՐԵՎԱՆ, 19 դեկտեմբերի – Sputnik. Այսօր Հայաստանում օդի ջերմաստիճանը նորմայից այնքան բարձր է եղել, որ անգամ Գագիկ Սուրենյանն է զարմացել։ «Հայպետհիդրոմետ» ծառայության պետը Facebook-ի իր էջում գրառում է արել.
«Բաղդադին տվեցինք անցանք»,-գրել է Սուրենյանը։
Ըստ Սուրենյանի` ժամը 13։30-ի դրությամբ Բաղդատում գրանցվել է +18, Իջևանում +20, Կապանում +18, Դիլիջանում +16 աստիճան։
Սուրենյանի գրառմանը հաջորդել են օգտատերերի հումորային գրառումները։
««Մնաց Աֆրիկային կրենք», «Իջևանից խուրմա բերելու ժամանակն ա»»,- գրել են նրանք։
Նշենք, որ օրեր առաջ Սուրենյանը հայտնել էր, որ նորմայից բարձր ջերմաստիճան է սպասվում ոչ միայն Հայաստանում, այլ նաև ողջ Եվրոպայում, Ռուսաստանի Եվրոպական մասում, Փոքր Ասիայում, Մերձավոր Արևելքում, Կովկասում
