ԵՐԵՎԱՆ, 31 հոկտեմբերի - Sputnik. Հայկական եռագույնի երանգներով պատրաստված կոնֆետային քանդակը կզարդարի Փարիզի հայտնի Գևորգ V պողոտան: Այս մասին Facebook-ի իր էջում գրել է Ֆրանսիայում ՀՀ դեսպանության աշխատակից Հայկ Խեմչյանը:
Քանդակի հեղինակը նկարչուհի Լոուրենս Ջենկելն է։ Այդօրինակ քանդակների թիվը պողոտայում նախատեսվում է հասցնել 50-ի։
Դիվանագետը նաև տեղադրել է համապատասխան լուսանկար՝ նշելով, որ բոլոր քանդակները կցուցադրվեն մեկ ամսվա ընթացքում:
«Լոուրենս Ջենկելի գործերը զարդարում են Փարիզի Գևորգ V- ի հանրահայտ պողոտան: Դրանք կցուցադրվեն այնտեղ հոկտեմբերի 15-ից նոյեմբերի 14-ը», - գրել է Խեմչյանը:
Հավաքածուն այդպես էլ կոչվում է «Կոնֆետ. Հայաստանի դրոշ»:
Ցուցահանդեսի կազմակերպիչներից մեկի ՝ Ռեմի Մակինադիդջանի խոսքով` միջոցառումը պետք է դառնա փարիզյան մշակույթի նոր փուլի խորհրդանիշ: Այն բաց ցուցադրություն է, որը ջախջախում է ժամանակակից մշակույթի կարծրատիպերը:
