«Nout.am» ընկերության հիմնադիր Ներսես Ավդալյանը Sputnik Արմենիայի «Մութ անկյուն» հաղորդման շրջանակում անդրադարձել է այն հարցերին, թե ինչպես և ինչ նպատակով են հայկական շուկայում հայտնվում Ադրբեջանը որպես տարածաշրջան իդենտիֆիկացնող սմարթֆոնները, ինչպես են խաբում գնորդներին և ինչպիսի տեղեկատվական ռիսկերի առջև կարող է հայտնվել մեր հասարակությունը:
Ներսես Ավդալյանը նշում է, որ իրենք ադրբեջանական սմարթֆոնների ծագումնաբանությունը բացահայտել են թեստավորման ընթացքում, ինչն իրենց համար եղել է մեծ ու տհաճ անակնկալ:
«Մեր փոստային ծառայություններում ու մաքսային անցակետերում պետք է ուժեղացվի հսկողությունը: Ոչ միայն մեկ, այլ մի քանի անվտանգության մասնագետներ պետք է աշխատեն, որպեսզի ստուգեն Հայաստան ներկրվող նմանատիպ ապրանքներն ու դրանց ծագումնաբանությունը: Պատկերացնու՞մ եք՝ ադրբեջանական սմարթֆոնները շրջանառության մեջ լինեն սահմանամերձ կամ ընդհանրապես հայկական զորամասերում:
Պանթուրքի՞զմ, թե՞ Ադրբեջան. որտեղ է հայ–թուրքական սահմանի բանալին
Ադրբեջանցիները հաստատ բարեկամական մղումներից չէ, որ ցանկանում են Հայաստանում տարածել իրենց սմարթֆոնները: Հայաստանից ստացվող ցանկացած ինֆորմացիա իրենց համար օդ ու ջրի նշանակություն ունի»,- զգուշացնում է Ներսես Ավդալյանը:
Nout.am ընկերության հիմնադիրը լուրջ կասկածներ ունի, որ ՀՀ-ում գործում է կազմակերպված ցանց, որը շահագրգռված է մեզ մոտ ադրբեջանական սմարթֆոնների տարածմամբ, իսկ սա արդեն ազգային անվտանգության տիրույթում գտնվող հարց է:
Հանդիպում Վիենայում. ակնկալե՞լ Հայաստան-Ադրբեջան հարաբերությունների փոփոխություն
Ներսես Ավդալյանը շարունակում է ակտիվորեն տեղեկատվություն հավաքել խնդրահարույց սմարթֆոնների վերաբերյալ և ՀՀ քաղաքացիներին հորդորում գնումների ժամանակ լինել զգույշ՝ ստուգել գնվող ապրանքի ծագումնաբանությունը:
