ԵՐԵՎԱՆ, 19 հունիսի — Sputnik. Հայաստանի Ֆանարջյանի անվան ուռուցքաբանության ազգային կենտրոնը չի մասնավորեցվի։
Այսօր ԱԺ–ն երկրորդ և վերջնական ընթերցմամբ միաձայն ընդունեց պետական գույքի մասնավորեցման ծրագրում համապատասխան փոփոխությունների նախագիծը, որին կողմ քվեարկեցին 116 պատգամավոր։
Ֆանարջյանի անվան ուռուցքաբանության ազգային կենտրոնն ու Ռադիացիոն բժշկության և այրվածքների գիտական կենտրոնը ցուցակից հանվել են առողջապահության նախարար Արսեն Թորոսյանի նախաձեռնությամբ։
Այդ երկու կենտրոնները միակն են իրենց տեսակի մեջ. դրանք օգնություն են ցուցաբերում այրվածքներով և ուռուցքներով հիվանդներին՝ ամբողջ հանրապետության մասշտաբով։
Ֆանարջյանի անվան կենտրոնը կարող է միաժամանակ ընդունել 500 հիվանդ, իսկ Ռադիացիոն բժշկության և այրվածքների գիտական կենտրոնը տարեկան բուժում է 500-600 մարդու և հսկողության տակ պահում 3 հազար հոգու։
Իրենց հանրապետական ընդգրկմամբ այդ հաստատությունները միակն են իրենց տեսակի մեջ տվյալ հիվանդությունների համար։ Ուստի որոշվել է չմասնավորեցնել դրանք։
