ԵՐԵՎԱՆ, 23 ապրիլի - Sputnik. Այսօր՝ ապրիլի 23-ի երեկոյան ուժեղ հրդեհ է բռնկվել ֆրանսիական Վերսալ քաղաքում` հայտնի պալատի մոտակայքում։
Վերսալում Պարկ դե Կլանյի փողոցում հրդեհ է, շրջանցեք այդ շրջանը մինչ արտակարգ ծառայությունների աշխատանքի ավարտը», –նշվում է տեղական ոստիկանության Twitter–ի էջում։
Վերսալի հրշեջ ծառայության տեղեկության համաձայն` կրակը ծավալվել է մեքենաների փոքր խանութում։
Breaking: Massive fire in Versailles, France. pic.twitter.com/9X0gAAnFz9
— PM Breaking News (@PMBreakingNews) April 23, 2019
Դեպքի վայրի մոտակա փողոցների երթևեկությունը սահմանափակվել է։ BFMTV հեռուստաալիքը հայտնել է, որ հրդեհումը ավտոտնակում է տեղի ունեցել։ Դեպքի վայրում 80 հրշեջ է աշխատում։
Սոցիալական ցանցերում հայտնված բազում տեսանյութերում տների տանիքների վրա բարձրացող ծխի քուլաներ են երևում։
BREAKING: Massive fire raging in French city of Versailles. pic.twitter.com/39PZKqVZeq
— Breaking News Global (@BreakingNAlerts) April 23, 2019
Քաղաքի տարածքում է գտնվում պալատը, որը 1666 թ. –ից 1789 թվականներին թագավորների պաշտոնական նստավայրն էր։ 1801 թվականին այն թանգարանի կարգավիճակ է ստացել ու բացվել է հանրության առջև, իսկ 1830 թվականին Վերսալի ամբողջ ճարտարապետական համալիրը թանգարան է դարձել։ Վերսալի պալատն ու այգին 1979 թվականից ներառվել են ՅՈւՆԵՍԿՕ–ի համաշխարհային մշակութային ժառանգության ցանկում։
