Նա նշում է, որ այդ երթով ու նախատեսված ելույթով Փաշինյանը փորձելու է համախմբել այն զանգվածին, ում համար նոր իշխանությունները չեն կարողացել ավելի լավ կյանք ապահովել։
«Երթն այդպիսով ավելի պոպուլիստական բնույթ է ունենալու, քան ինչ-որ արտաքին ուժերին ինչ-որ բաներ ապացուցելու»,–կարծում է Դանիելյանը։
Քաղաքագետն իր համար դեռ չունի պատասխանը, թե ինչու Մարտի 1-ի գործով այդպես էլ չեն երևում առաջին և երրորդ նախագահները։ Հարցն,ինչպես ասում են,ենթադրությունների ոլորտում է։
«Ըստ երևույթի, 3-րդ նախագահի հետ որոշակի պայմանավորվածություն կա։ Մամուլը գրում էր, որ հեղափոխության օրերին ինչ-որ հանդիպումներ են տեղի ունեցել, ու սա կարող է դրանով պայմանավորված լինել»,–ասում է Դանիելյանը։
Նրա կարծիքով` առաջին նախագահի հարցում կաշկանդում են Փաշինյանի կապերը նրա և նրա շատ կուսակիցների հետ։
