ԵՐԵՎԱՆ, 29 հունվարի – Sputnik. Քիչ առաջ ավազակային հարձակում է տեղի ունեցել Երևանում:
Կացնով զինված տղամարդը փորձել է ներխուժել ու թալանել Բաղրամյան պողոտայում գտնվող ՎՏԲ բանկը:
Մասնաճյուղում ծառայություն իրականացնող ոստիկանության պետական պահպանության գլխավոր վարչության ոստիկանը վնասազերծել է այդ տղամարդուն։ Վերջինս դեպքի վայր ժամանած ոստիկանության Արաբկիրի բաժնի ծառայողների կողմից բերման է ենթարկվել։
Հանգամանքները պարզվում են:
Shamshyan.com–ը հայտնում է, որ կացնով, սև ակնոցներով, գլխարկը՝ գլխին և ձեռնոցներով բանկ ներխուժած տղամարդը Վրաստանի և Հայաստանի քաղաքացի, 33-ամյա Հրաչիկ Ումուրշադյանն է։
