ԵՐԵՎԱՆ, 26 հունվարի – Sputnik. Վերջին շրջանում տարածվող լուրերի համաձայն՝ ԱԺ նախկին պատգամավոր Միհրան Պողոսյանը և իր ընտանիքը լքել են Հայաստանը։ «Հայկական ժամանակ» օրաթերթին հայտնի է դարձել, որ Պողոսյանն իսկապես որոշ ժամանակ է՝ չի բնակվում «Մոնումենտի» իր շքեղ առանձնատանը։
Թերթի թղթակիցներն այցելել են այն թաղամաս, որտեղ գտնվում է Միհրան Պողոսյանի առանձնատունը։ Տան աշխատակիցներից մեկը փոխանցել է, որ թեև տանը բնակվողներ կան, սակայն տվյալ պահին աշխատանքի են։ Աշխատակիցը չի հստակեցրել, թե ովքեր են բնակիչները և երբ կվերադառնան։
Տեղի բնակիչների պնդմամբ՝ կարմիրով նշված առանձնատունը ևս պատկանում է Միհրան Պողոսյանին
Հիշեցնենք՝ ՀՔԾ-ն վերաբացել է Միհրան Պողոսյանի՝ Պանամայում գրանցած օֆշորային ընկերությունների վերաբերյալ հարուցված քրեական գործը:
