ԵՐԵՎԱՆ, 15 հուլիսի — Sputnik. Հանրապետության նախագահ Արմեն Սարգսյանը Մոսկվայում հանդիպում է ունեցել Կատարի էմիր Թամիմ բին Համադ Ալ Թանիի հետ:
Զրույցի ընթացքում Հայաստանի նախագահն ու Կատարի էմիրը քննարկել են Հայաստանում ներդրումային ծրագրեր իրագործելու հնարավորությունները։
Նախագահը ներկայացրել է Հայաստանի մրցակցային առավելությունները, ներդրումներ կատարելու գրավչությունն ու բիզնես միջավայրի բարելավման ուղղությամբ քայլերը։
Զրուցակիցներն ընդգծել են` նորագույն տեխնոլոգիաների ոլորտում, որը Կատարի համար հատուկ հետաքրքրություն է ներկայացնում, կան համագործակցության մեծ հեռանկարներ։
Զրուցակիցները համակարծիք են եղել նաև, որ երկու երկրները գործակցության մեծ ներուժ ունեն նաեւ գյուղատնտեսության եւ զբոսաշրջության ոլորտներում։
