Արմավիրի մարզում սովորականից ավելի շատ կեռաս է հասել։ Արդյունքում պտուղները մանր են ու ոչ այդքան քաղցր։ Առատ տեղումների պատճառով բերքի մեծ մասը փտել է։
Դրա հետ կապված` արժեքը կտրուկ նվազել է, և հիմա գյուղացիները ստիպված են գրոշներով (1 կգ-ը` 150-200 դրամով) վաճառել քրտնաջան աշխատանքով աճեցրած բերքը։
Ի սկզբանե արտահանողները, որոնք հայկական միրգ են արտահանում ռուսական շուկա, առաջարկել են մեկ կիլոգրամի համար 800 դրամ, այնուհետև նվազեցրել են գինը մինչև 700 դրամ և այդ թվի վրա կանգ առել։ Սակայն գործարքի պահին արտահանողները որոշել են 400 դրամից շատ չվճարել։ Իրենց որոշումը հիմնավորել են երկու պատճառով. առաջին հերթին` Մոսկվայի շուկայում գների նվազումով, երկրորդ` ապրանքի ցածր որակով։ Հիմա ապրանքի գինն ավելի շատ է ընկել։
Գյուղացիներից շատերն ընդհանրապես որոշել են կեռասը չհավաքել, քանի որ այդքան ցածր գինը հաճախ չի փակում անգամ ինքնարժեքը։
