ԵՐԵՎԱՆ, 23 մայիսի — Sputnik. Ժամկետային զինծառայող Մարտին Խաչատրյանի դին`հրազենային վիրավորումով, երեկ հայտնաբերել են ՀՀ զորամասերից մեկի մարտական դիրքում։
Ինչպես տեղեկացնում է ՀՀ ՊՆ մամուլի ծառայությունը, մայիսի 22-ին, ժամը 13.30-ի սահմաններում, ՀՀ հարավարևմտյան ուղղությամբ տեղակայված զորամասերից մեկի պահպանության տեղամասի մարտական դիրքում հայտնաբերվել է ժամկետային զինծառայող, շարքային Մարտին Գրիգորի Խաչատրյանի (ծնված 1998թ., 2017-2 զորակոչ, Գյումրիի ԶԿ) դին՝ որովայնի շրջանում ստացած մահացու հրազենային վիրավորումով:
Դեպքի հանգամանքները պարզելու համար կատարվում է քննություն:
ՀՀ պաշտպանության նախարարությունը խորին ցավակցություն է հայտնում զինծառայողի ընտանիքի անդամներին, հարազատներին և ծառայակիցներին:
