ԵՐԵՎԱՆ, 18 ապրիլի — Sputnik. Այսօր՝ ապրիլի 18-ին, ժամը 18:40-ի սահմաններում Իսակովի պողոտայի և Հաղթանակ կամրջի խաչմերուկում բախվել են Երևանի բնակիչներ, 52-ամյա Արմեն Մարտիրոսյանի վարած Mitsubishi մակնիշի և 21-ամյա Կարեն Գալոյանի Toyota մակնիշի ավտոմեքենաները:
Ինչպես տեղեկացնում է shamshyan.com կայքը, վթարի հետևանքով Toyota-ի ուղևորները` Երևանի բնակիչներ 20-ամյա Դավիթ Գևորգյանն ու 24-ամյա Ժան Պետրոսյանը, մարմնական վնասվածքներով տեղափոխվել են «Աստղիկ» բժշկական կենտրոն:
Տուժածների մասին որէ այլ տեղեկություն չի հաղորդվում։
Դեպքի վայր են ժամանել Ճանապարհային ոստիկանության 1-ին սպայական գումարտակի ծառայողները, ինչպես նաև Արտակարգ իրավիճակների նախարարության փրակարար ծառայության հրշեջ-փրկարարները: Փրկարարները հոսանքազրկել են ավտոմեքենաները, փակել գազաբալոններն ու սահմանազատել տարածքը:
Կայքի տեղեկություններով՝ վարորդներից Ա. Մարտիրոսյանը ՀՀ անշարժ գույքի պետական կադաստրում աշխատում է որպես առաջնակարգ մասնագետ:
