ԵՐԵՎԱՆ, 22 մարտի — Sputnik. Հայսատանի ապագա նախագահը կզրկվի նախագահին սպասարկող ինքնաթիռից։ Այդ մասին որոշումն ընդունվեց կառավարության այսօրվա նիստում։
Որոշման համաձայն` «ՀՀ նախագահի աշխատակազմ» պետական կառավարչական հիմնարկի հաշվեկշռից հանված ՏՈՒ 134 օդանավը փոխանցվեց «ՀՀ կառավարությանն առընթեր պետական գույքի կառավարման վարչության աշխատակազմ» պետական կառավարչական հիմնարկին։
Նշենք, որ ըստ նոր սահմանադրության` նախագահի իրական իշխանությունն անցնում է վարչապետին։ Առայժմ հայտնի չէ` նա կօգտվի հին ինքնաթիռից (1977 թվականի արտադրության), թե կգերադասի նորը գնել։
Թե ինչ արտոնություններ կունենա ՀՀ վարչապետը, կարող եք մանրամասն կարդալ այստեղ։
