ԵՐԵՎԱՆ, 16 դեկտեմբերի — Sputnik. 66-ամյա կինը 2012 թվականի ընթացքում հորաքրոջ որդուն պարբերաբար պատմել է ամուսնու հետ ունեցած խնդիրների մասին և 20 000 ԱՄՆ դոլար խոստացել նրան ամուսնուն սպանելու համար։ ՀՀ քննչական կոմիտեի կայքում ներկայացվել է 4 տարի առաջ կատարված սպանության մանրամասները։
«2013թ. հունվարի 17-ին կինը դուրս է եկել տանից, իսկ հյուրընկալված ազգականը բութ-կոշտ առարկայով բազմաթիվ հարվածներ է հասցրել նրա ամուսնու գլխին՝ սպանելով նրան»,– նշված է հաղորդագրության մեջ։
Նախնական տվյալներով՝ սպանությունից հետո կինը մաս-մաս ազգականին փոխանցել է խոստացած 20 հազար դոլարից 15 հազարը։
66-ամյա կնոջը մեղադրանք է առաջադրվել։ Նրա նկատմամբ խափանման միջոց է ընտրվել կալանավորումը։
