ԵՐԵՎԱՆ, 2 դեկտեմբերի – Sputnik. «Մեծ կինո» կինոընկերությունը, որը պատկանում է Սարիկ և Ղևոնդ եղբայրներին և Արմեն Անանիկյանին, կէկրանավորի Եվգենի Զամյատինի «Մենք» հակաուտոպիան, հաղորդում է Կինոպոիսկը։
Ֆիլմի ռեժիսորն է 25-ամյա շրջանավարտ, Էկոնոմիկայի բարձրագույն դպրոցի մեդիայի, դիզայնի և հաղորդակցությունների ֆակուլտետի և «Ազատ կինո» կինոդպրոցի շրջանավարտ Համլետ Դուլյանը։ Կինոպոիսկի տվյալներով՝ նա ընդամենը մեկ լիամետրաժ ֆիլմ է նկարել՝ «Ծննդյան օրը», որը վարձույթի դուրս չի եկել։ Դուլյանը պատմել է, որ արդեն հինգ տարի է զբաղվում է հակաուտոպիայի էկրանավորման մշակմամբ։
«Մենք» ֆիլմի սցենարիստն Ալեքսանդր Տալալն է, որը մասնակցել է «Ցերեկային պարեկ» և «Սև կայծակ» ֆիլմերի մշակմանը։
Առայժմ հայտնի չէ, թե երբ կսկսվեն նկարահանումները և ովքեր կլինեն դերասանները։ Սպասվում է, որ ֆիլմը վարձույթի դուրս կգա 2019թ-ին։
Եվգենի Զամյատինի «Մենք» վեպը գրվել է 1920թ-ին և պատմում է ապագայի բռնատիրական հասարակության մասին։ 1982թ-ին ստեղծվել է վեպի գերանական էկրանավորումը, որը նկարված է մինիմլիստական հեռուստաներկայացման ժանրում։
