ԵՐԵՎԱՆ, 27 նոյեմբերի — Sputnik. Հայաստանի երիտասարդները կարող են արագ ու արդյունավետ ՄԻԱՎ/ՁԻԱՀ ստուգում անցնել։ Այս մասին հայտնեց Հայաստանի առողջապահության նախարար Լևոն Ալթունյան` իր նոր նախագիծը ներկայացնելիս։
ՄԱԿ-ի ՄԻԱՎ/ՁԻԱՀ-ի հարցերի համատեղ ծրագիրը (ՄԱՁԻԱՀ) գործակալությունը 15 հազար անվճար ստուգաչափիչ կտրամադրի ռիսկային խմբերին։ Քաղաքացիներն ու գաղթականները կկարողանան ստանալ դրանք ողջ հանրապետությունում Հայաստանի երիտասարդական հիմնադրամի բաժանմունքներում։
Ստուգաչափիչները միանգամյա օգտագործման են ու փոքր, դրանք կարելի է օգտագործել ամենուր, կողմնակի աչքերից հեռու։ Եթե ինդիկատորի վրա մեկ կետ երևա` ՄԻԱՎ չկա։ Մեկից ավելի` ամենայն հավանականությամբ` կա։ Բայց պետք չէ խուճապի մատնվել, պետք է պարզապես բժշկի գնալ, ընդգծեց ՄԱՁԻԱՀ հայկական բյուրոյի ղեկավար Լենա Նանուշյանը։
Ժամանակին ստուգվել, նշանակում է ժամանակին սկսել բուժում ստանալ։ Իսկ ներկայիս տեխնոլոգիաների դեպքում վարակը կարելի է այնքան թուլացնել, որպեսզի շրջապատի մարդկանց չվարակել։ Նույնիսկ վարակվածների երեխաներն առողջ են ծնվում։ Բայց այս ամենը հնարավոր է ճիշտ բուժման դեպքում, որը պետք է ժամանակին սկսել, ընդգծեց Նանուշյանը։
Նախարարը որոշեց առաջինն անցնել թեստը։ Դրա համար նա աշխատանքային օրվա կեսին համաձայնեց սարքի ասեղով ծակել մատի մաշկը։ Հետո, հետևելով ձեռնարկին, նա մատից մի կաթիլ արյուն սեղմեց փոքր սրվակի մեջ։
«Արդյունքը կարող եմ չթաքցնել` այն բացասական է», — ժպիտով ասաց Ալթունյանը։
Եթե գործադիր իշխանության անդամները իրենց հանգիստ են զգում, ապա ռիսկային խմբերում Երիտասարդական հիմնադրամի ակտիվիստները ինքնաախտորոշման քարոզչություն կանցկացնեն։ Այդ խմբում են թմրամոլները, թոքախտավորները, հեպատիտ B ու C ունեցողները։
