ԵՐԵՎԱՆ, 26 նոյեմբերի — Sputnik. ՆՏՎ հեռուստաալիքը հրապարակել է մի փաստաթուղթ, որի հայտնիությունից շատ էր վախենում Ջիգարխանյանի կինը՝ Վիտալինա Ցիմբալյուկ-Ռոմանովսկայան:
Ինչպես տեղեկացնում է հեռուստաընկերության կայքը, «Նոր ռուսներ. սենսացիաներ» հաղորդման ընթացքում առաջին անգամ ցուցադրվել է Արմեն Ջիգարխանյանի բանկային հաշիվների փաստաթուղթը:
«4 076 098 ռուբլի. հենց այսքան գումար ուներ իր հաշվին ժողովրդական արտիստը՝ մինչև այս թնջուկի սկսվելը: Եթե վստահենք այս փաստաթղթին, իսկ կնիքով թղթին դժվար է չհավատալ, հոկտեմբերի 10-ին Վիտալինան՝ Արմենի Ջիգարխանյանի լիազորագրով, ամբողջ գումարը հանել է»,-ասվում է հեռուստաընկերության կայքում:
Ի՞նչ է ստացվում: Հոկտեմբերի 10-ին Վիտալինան՝ անաղմուկ, հանգիստ, ամուսնու հաշվից հանում է ամբողջ գումարը և հոկտեմբորի 15-ին միայն ոստիկանություն հայտարարություն տալիս՝ ամուսնու անհետանալու մասին:
82-ամյա արտիստի և իր 38-ամյա կնոջ շուրջ սկանդալը սկսվեց այն բանից հետո, երբ հոկտեմբերի 10-ին Ջիգարխանյանը տեղափոխվեց հիվանդանոց, ապա հայտարարեց, որ չի ների կնոջը, ով խաբել և թալանել է իրեն, նաև ցանկացել է սպանել:
Վաղը՝ նոյեմբերի 27-ին, կկայնա Արմեն Ջիգարխանյանի և նրա կնոջ՝ Վիտալինա Ցիբալյուկ-Ռոմանովսկայայի ամուսնալուծության դատական նիստը:
