ԵՐԵՎԱՆ, 19 նոյեմբերի — Sputnik. Երկամյա զույգ քույրերը՝ Իզաբելլա և Գաբրիելլա Շիպլիները Instagram-ի աստղեր են դարձել իրենց յուրահատկության շնորհիվ:
Օգտատերերին գրավում է զույգ քույրերի անտասովոր տարբերությունը ու միևնույն ժամանակ նմանությունը: Իզաբելլան և Գաբրելլան շատ նման են իրար, բայց միևնույն ժամանակ, նաև շատ տարբեր՝ նրանցից մեկը սևամորթ է, մյուսը՝ սպիտակամորթ:
Քույրերի էջին արդեն հետևում է 23 հազար մարդ՝ աշխարհի տարբեր երկրներից: Երեխաների մայրն ասում է, որ նրանք նաև բնավորությամբ են շատ տարբեր:
Օրինակ՝ Իզաբելլան շատ հանգիստ բալիկ է, այնինչ Գաբրիելլան՝ խիստ ակտիվ է: Ծնողները նրանց նկարներն են հրապարակում՝ պատմելով երեխաների խառնվածքի մասին, իսկ սոցցանցի օգտատերերին գրավում է նրանց գեղեցկությունը:
Բժիշկներն ընդունում են, որ սա ոչ սովորական դեպք է, բայց ընդգծում են, որ հնարավոր տարբերակ է:
