ԵՐԵՎԱՆ, 31 հոկտեմբերի — Sputnik. Կատալոնիայի խորհրդարանի ընդունած անկախության հռչակագիրը Իսպանիայի սահմանադրական դատարանը չեղյալ է համարել։ Այս մասին տեղեկացնում է ՌԻԱ Նովոստին։
28 հոկտեմբերի 2017, 23:44
Վարչապետ Մարիանո Ռախոյը լուծարել է Կատալոնիայի խորհրդարանը, աշխատանքից ազատել է շրջանի խորհրդարանի անդամներին, ինչպես նաև կառավարության ղեկավար Կարլես Պուչդեմոնին։
Ի պատասխան Կատալոնիայի խորհրդարանի հոկտեմբերի 27-ին Իսպանիայից անկախանալու օգտին քվեարկելու քայլի` նույն օրը Իսպանիայի սենատը կողմ է քվեարկել Կատալոնիայի կառավարությանն իշխանությունից հեռացնելուն և ինքնավար մարզում ուղիղ կառավարում հաստատելուն:
Հիշեցնենք` Կատալոնիայի անկախության հանրաքվեն անցկացվել էր հոկտեմբերի 1-ին:
