Կարեն Կարապետյան
2018-ին Կառավարությունը վարելու է այնպիսի տնտեսական քաղաքականություն, որը թույլ կտա ապահովել 5% տնտեսական աճ, ինչն էլ, իր հերթին, թույլ կտա հետագայում լուծել նաև սոցիալական հարցերը: «ՀՀ 2018 թ. պետական բյուջեի մասին» օրենքի նախագծի նախնական քննարկումների ժամանակ հայտարարեց վարչապետ Կարեն Կարապետյանը:
«Վերջին մի քանի տարիներին Հայաստանի տնտեսությունը բնորոշվում է արտաքին աշխարհից ներթափանցող բացասական ցնցումներով, որի արդյունքում գրանցվել է տնտեսական աճի ցածր մակարդակ՝ աստիճանաբար նվազեցնելով տնտեսական աճը: Ընթացիկ զարգացումները, թեև հուսադրող են, բայց բավարար չեն տնտեսական աճի հավակնելու համար»,- ասել է վարչապետ Կարապետյանը:
Վարչապետը նաև հայտնել է, որ 2018-ին սոցիալական խնդիրների լուծում՝ թոշակների և նպաստների ավելացում, չի նախատեսվում:
