ԵՐԵՎԱՆ, 30 հոկտեմբերի — Sputnik. Երեւանի բնակիչը հոկտեմբերի 29-ին դիմել է ոստիկանություն՝ հայտնելով, որ «Շտապօգնության» բժիշկը հարվածել է իրեն, Sputnik Արմենիային հայտնել է ոստիկանության մամուլի ծառայությունը։
Դրանից 5 րոպե առաջ ոստիկանությունը հաղորդագրություն է ստացել, որ կանչի գնացած «Շտապօգնության» խմբի վրա հարձակում են գործել։
Ոստիկանապետի մամուլի քարտուղար էդգար Ջանոյանի խոսքով՝ դեպքը տեղի է ունեցել Լեպսիուսի փողոցում, կանչի ժամանակ։
Նշանակվել է դատաբժշկական փորձաքննություն:
Հիշեցնենք, որ հոկտեմբերի 19-ին ՀՀ կառավարությունը լրացում կատարեց քրեական օրենսգրքում՝ պատիժ սահմանելով բուժաշխատողների գործունեությունը խոչընդոտելու համար։
