ԵՐԵՎԱՆ, 3 հոկտեմբերի — Sputnik. Կասպից ծովում՝ Իրանի Նոուշեհր քաղաքի մոտակայքում օրեր առաջ խեղդվել է իրանահայ Վանե Նովշադյանը, հաղորդում է «Արևելքը»։
Աղջիկը փորձել է օգնել ծովում խեղդվող ընկերոջը, սակայն երկուսն էլ մահացել են: Վանեն 33 տարեկան էր, ամուսնացած չէր, վերջին տարիներին բնակվում էր ԱՄՆ-ում:
Ըստ աղբյուրի՝ Վանեն ճանաչված էր եւ շատ ընկերներ ուներ նաև Հայաստանում։ Նա սովորել է Երևանի Գեղարվեստի Ակադեմիայում՝ 2003-2008 թվականներին: Ընկերները Վանեին բնութագրում են որպես կյանքով լի, վառ ու ընկերասեր կերպար։
