Առնո Բաբաջանյանի 100- ամյակի կապակցությամբ Չինաստանում Առնո Բաբաջանյանի անունով երաժշտական ակադեմիա է կոչվելու։ Բաբաջանյանի արվեստի տարածումն այսօր հիմնադրամի թիվ մեկ խնդիրն է: Ամենակարևորն ու հրատապն, իհարկե, Առնո Բաբաջանյանի թանգարանի կոնցեպտն իրականացնելն է: Նախատեսվում է, որ սա լինելու ժամանակների, թվային տեխնոլոգիաներով ու ինտերակտիվ հարթակ, որտեղ հնարավոր կլինի ծանոթանալ Բաբաջանյանի կյանքին ու ստեղծագործությանը:
Հայաստանի մշակույթի նախարարությունն այդ նպատակով արդեն տարածք է հատկացրել Առնո Բաբաջանյանի համերգասրահում, սակայն հիմնադրամում առանձին շենքի մասին են մտածում:
Սեպտեմբերի 18-ից մեկնարկել է Առնո Բաբաջանյանի անվան «Կարևորը Հայրենիքի ծառայությունն է» փառատոնը: Նախորդ տարվանից մեկնարկած այս փառատոնը կշարունակվի մինչև կոմպոզիտորի 100-ամյակը: Համերգներ են նախատեսված Վանաձորում, Գյումրիում և Երևանում: Հատուկ փառատոնի համար համերգային ծրագրով հանդես կգա ՌԴ պաշտպանության նախարարության կենտրոնական զինվորական նվագախումբը:
