ԵՐԵՎԱՆ, 12 Սեպտեմբեր — Sputnik. Թբիլիսիում ընթացող շախմատի աշխարհի գավաթի խաղարկությունում գրոսմայստեր Լևոն Արոնյանն անցավ 1/8 եզրափակիչ: Այս մասին տեղեկացնում է ՀԱՕԿ մամուլի ծառայությունը։
Հայաստանցի շախմատիստը համառ պայքարում պարտության մատնեց Ռուսաստանը ներկայացնող Մաքսիմ Մատլակովին: Դիմակայության ելքը որոշվեց թայ-բրեյքում, որտեղ Արոնյանը հաղթեց 4.5:3.5 հաշվով:
1/8 եզրափակչում Լևոն Արոնյանը կխաղա ռուսաստանցի Դանիիլ Դուբովի հետ:
