ԵՐԵՎԱՆ, 2 սեպտեմբերի – Sputnik. «Արարատի» բյուջեն արդեն վերականգնվել է, ակումբի բաժնետերերը փոխհատուցել են ակումբի նախկին նախագահՎալերի Հովհաննիսյանի գողացած 20 միլիոն ռուբլին։: Մոսկվայի «Արարատի» փոխնախագահ Անդրանիկ Քերոբյանն այս մասին ասել է «Матч ТВ»-ին։
«Հովհաննիսյանը ակումբի հաշվից հանել էր բաժնետերերի գումարները: Ցանկացած ստուգում կապացուցի, որ նա ոչ մի ռուբլի չի ներդրել ակումբում: Բաժնետերերն արդեն փոխհատուցել են բոլոր գողացված գումարները: Բյուջեն վերականգնվել է Հովհաննիսյանի փախուստից 3 օր հետո»,- ասել է Քերոբյանը։
Նա նշել է, որ այդ տհաճ իրավիճակը չի ազդի ակումբի գոյության վրա: Նախագծին ոչ մի վտանգ չի սպառնում:
«Թիմը ոչ մեծ սթրես ապրեց, սակայն բոլորը շատ արագ վերադարձան աշխատանքային ռիթմին: Մենք ունենք համախմբված կոլեկտիվ, որտեղ բոլորը պատրաստ են զորակցել իրար եւ հնարավոր ամեն բան անել թիմի առջեւ դրված խնդիրները լուծելու համար»,- ասել է ակումբի փոխնախագահը:
Ավելի վաղ Վալերի Հովհաննիսյանը հայտարարել էր, որ առողջական խնդիրների պատճառով լքում է ակումբի նախագահի պաշտոնը, նրա հեռանալուց հայտնի էր դարձել ակումբի հաշվից անհետացել է 20 միլիոն ռուբլի (մոտ 345 հազար դոլար):
