ԵՐԵՎԱՆ, 24 օգոստոսի — Sputnik. Զինված հանցագործը ԱՄՆ–ի Չառլստոն քաղաքում (Հարավային Կարոլինա նահանգ) պատանդ է վերցրել ռեստորանի այցելուներին։ Այդ մասին հայտնում է ՌԻԱ Նովոստին` հղում անելով Fox News–ին։
Նշվում է, որ անհայտ անձը` խոհանոցային աշխատողի հագուստով, փակել է մուտքի դուռը և իրեն «Չառլստոնի նոր թագավոր» է հայտարարել։
Explosive Devices Team now on scene off King St #chsnews #Charleston #scnews @Live5News pic.twitter.com/j9itCQZJFH
— Jackson Helms (@Jackson_Live5) 24 августа 2017 г.
Պատանդների քանակը դեռ հայտնի չէ։ Որոշ տվյալների համաձայն` ռեստորանում այդ պահին շուրջ 30 մարդ էր ճաշում։
Չառլստոնի քաղաքապետ Ջոն Տեկլենբուրգը հայտնել է, որ հանցագործը ռեստորանի աշխատակից է։ Նա կրակ է բացել` վիրավորելով մեկ անձի։ Տուժածին տեղափոխել են հիվանդանոց։
Ոստիկանությունը շղթայել է թաղամասը և բանակցություններ է վարում հանցագործի հետ։ Դեպքի վայր են մեկնել հատուկ նշանակության ուժերը։
