Երևանի Դավթաշեն 2-րդ փողոցի տներից մեկում որոտացած պայթյունից տուժածները տեղափոխվել են « Արմենիա» բժշկական կենտրոն մինչև փրկարարների հասնելը, ասաց ԱԻՆ ճգնաժամային կառավարման ազգային կենտրոնի պետի տեղակալ, փրկարար ծառայության փոխգնդապետ Արսեն Մկրտչյանը։
Նա պատմեց, որ Դավթաշեն 2-րդ թաղամասում որոտացած պայթյունի մասին արտակարգ իրավիճակների նախարարություն հայտնել են օգոստոսի 2-ի երեկոյան: Դեպքի վայր է ժամանել երկու փրկարարական ջոկատ, ճգնաժամային կառավարման ազգային կենտրոնի օպերատիվ խումբը, սակրավորը, հոգեբանական օգնության կենտրոնի հրահանգիչը: Հոգեբանի դերը շատ կարևոր է նման իրավիճակներում։
Տան նկուղում հայտնաբերվել է 2 ական, որոնցից մեկը՝ մասնատված: Դրանք տեղափոխել են պաշտպանության նախարարությանը կից ականազերծման կենտրոն: Պայթյունը որոտացել է Ռ. Մ. տան բակում, պայթյունի հետևանքով 1997 թ. ծնված Ա. Ե.-ն և 1989 թ. ծնված Ն. Ե.-ն տարբեր մարմնական վնասվածքներով հոսպիտալացվել են «Արմենիա» բուժկենտրոն, որտեղ Ն. Ե.-ը մահացել է։
Զրույցը վարեց Աննա Վարդանյանը։ Ամբողջական տարբերակը կարող եք ունկնդրել Sputnik Արմենիա ռադիոկայանի եթերում (FM106)։
