ԵՐԵՎԱՆ, 19 հունիսի — Sputnik. «Առաջ, Հանրապետություն» կուսակցության թեկնածու, հայազգի Դանիել Կազարյանը հաղթել է Ռոն դեպարտամենտի 13–րդ շրջանի Ֆրանսիայի Ազգային ժողովի ընտրություններում։ Այս մասին հայտնում է france3-regions.francetvinfo.fr կայքը։
Ֆրանսիայում ավարտվել է Ազգային ժողովի ընտրությունների երկրորդ փուլը։ Վերջին տվյալներ համաձայն` հաղթել է նախագահ Մակրոնի կուսակցությունը, որի ներկայացուցիչները խորհրդարանում 361 տեղ են ստացել, ինչը պատգամավորների աթոռների գրեթե երկու երրորդն է կազմում։ Նրանց հաջորդում են հանրապետականները, սոցիալիստներն ու կոմունիստները։
Կազարյանը 52 տարեկան է, նա համեմատաբար վերջերս է սկսել զբաղվել քաղաքականությամբ։ Մինչ այդ Կազարյանը խոշոր ընկերություն էր գլխավորում, նաև Հայոց պատմության և հիշատակի կենտրոնն է ղեկավարում։ 52–ամյա Դանիելը ստացել է քվեների 52 տոկոսը՝ առաջ անցնելով Հանրապետական կուսակցության ներկայացուցիչ Ֆիլիպ Մենյեից։
