Երվանդ Երզնկյան
Երզնկյանը Չիկոյին վաղուց է ճանաչում՝ 60-ական թվականներից, ասում է՝ նրա անցած ամբողջ ճանապարհն իր աչքի առաջ է անցել:
«Ցնցված եմ նրա մահից: Մենք կորցրինք մի մարդու, որը մեծ հետք թողեց ջազի պատմության մեջ»,- ասում է Երզնկյանը:
Երաժշտի խոսքով՝ Թութունջյանը վերջերս էր հրատարակել իր «Հայաստանի ջազի պատմություն» գիրքը և դեռ շատ մեծ ծրագրեր ուներ՝ ուզում էր գիրքը թարգմանել հայերեն, նոր գիրք ստեղծել…
«Նա երաժիշտ էր, ուսուցիչ, լավագույն թմբկահար, ընկեր, իսկական երևանցի»,- Թութունջյանի մասին ասում է Երզնկյանը:
73-ամյա Արթուր Թութունջյանը մահացել է հունիսի 8-ին: Հայկական ջազի ակունքներում կանգնած երաժշտի հուղարկավորությունը կկայանա այսօր՝ հունիսի 11-ին, ժամը 12:00-ին՝ Կոմիտասի անվան կամերային երաժշտության տնից:
